Huhtumehnethi Vaudhuvamun Gendhavaathi Maleehge Faadukiyun Raees Muizzah!

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރާއްޖޭގެ އަތޮޅުތަކަށް ކުރައްވަމުން ގެންދަވާ ދަތުރުފުޅުތަކުގައި ނިމިދިޔަ ރިޔާސީ އިންތިޚާބްގައި ވައުދުވެވަޑައިގެންނެވި ފަދައިން ވައުދުތައް ވަމުން ގެންދަވާތީ ރައީސް އަބްދުﷲ ޔާމީން އަބްދުލްގައްޔޫމްގެ ޕާޓީގައި އިސްކޮށް އުޅުއްވާ މުހައްމަދު މަލީހް ޖަމާލް ފާޑުކިޔުން އަމާޒުކުރައްވައިފިއެވެ.

މަލީހް މިފަދައިން ވިދާޅުވެފައިވަނީ އޭނާގެ އެކްސް ހޭންޑްލްގައި ކުރެއްވި ޕޯސްޓެއްގައެވެ.

ރައީސް މުއިއްޒު އައްޑޫ ސިޓީއަށް ވަޑައިގެން އެ ތަނުގައި 4 އަހަރު ތެރޭ ބްރިޖް އަޅުއްވާ ދެއްވާނެކަމަށް ވިދާޅުވުމުން މަލީހް ވަނީ ބްރިޖް އެޅުން ރަނގަޅު ކަމަށް ފާހަގަކުރައްވާފައެވެ. ނަމަވެސް މަސްވެރިންނަށް ދައްކަން ޖެހޭ ފައިސާ ނުދައްކާ ހުރުމުން ފުރަތަމަކަމަކަށް އެކަން ކޮށްދެއްވުމަށް މަލީހް ވަނީ ރައީސް މުއިއްޒަށް ގޮވާލާފައެވެ.

މަލީހް އިތުރަށް ވިދާޅުވީ މަސްވެރިންނަށް މަސް ކިރުމަށްފަހު ދޭން ޖެހޭ ފައިސާގެ އެއްބައި ދައްކާ، އަނެއް ބައި ނުދެއްކުމުން ސާބިތުވެގެން ދަނީ ސަރުކާރަށް މެނޭޖް ނުކުރެވުނު ކަން ކަމަށެވެ.

ބުރިޖު އޯކޭ. އިހަށް މަސްވެރިންގެ ދަރަނި ޚަލާސްކޮށް ދެއްވާ. މަސްވެރިކަމުގެ ސިނާއަތް އެދަނީ ބަގުރޫޓުވުމާއި ދިމާލަށް. މުޒާހަރާ އެކުރަނީ ޗަކޮއެމެނަށް މެނޭޖް ނުކުރެވޭތީ. ހިތަށް އަރާ ބްރިޖް އަޅަން ސޯމާލިޔާ ކުންފުންޏަކަށް ހަވާލު ނުކުރިކަން ހަމަ ނަސީބެކޭ. https://t.co/Cl3xjBqEEM
— Mohamed Maleeh Jamal (@maleehjamal) February 20, 2024

ރައީސް މުއިއްޒު އައްޑޫ ސިޓީ ބްރިޖް އަޅަން ހަވާލްކުރެވުނު ކުންފުނީގެ ނަން ފާހަގަކުރެއްވުމުން މަލީހް ވަނީ ސޯމާލިޔާ ކުންފުންޏަކާ ހަވާލް ނުކުރުން އެއީ ނަސީބެއް ކަމަށްވެސް ވިދާޅުވެފައެވެ.

މަޖިލިސް އިންތިޚާބާ ދިމާކޮށް ރައީސް މުއިއްޒު ރާއްޖޭގެ ރަށްރަށަށް ވަޑައިގެން ކެމްޕެއިން ކުރައްވަމުން އަނެއްކާވެސް މަތި މައްޗައް ވައުދުވަމުން ގެންދަވާތީ ގިނަ ބަޔަކު އަންނަނީ ފާޑުކިޔަމުންނެވެ.