އިންޑިއާ ރައްޔިތުންނަށް "ބްލޮކް" ވޯކް ވިސާ ދޫކުރުން ސައުދީން މެދުކަނޑާލައިފި އެވެ.

ބްލޮކް ވޯކް ވިސާއަކީ ސައުދީ ކުންފުނިތަކަށް ގިނަ އަދަދެއްގެ ބިދޭސީ މަސައްކަތްތެރިން ވަޒީފާ އަދާކުރުމުގެ ހުއްދަ ކުރިން ދޭ ކޯޓާތަކެވެ.

އިންޑިއާގެ އިތުރުން ބްލޮކް ވޯކް ވިސާ މެދުކަނޑާލި ގައުމުތަކަކީ މިސްރު، އިންޑޮނޭޝިއާ، އުރުދުން، ޔަމަން، މޮރޮކޯ، ޓިއުނީޝިއާ، ސޫދާން، އިތިއޯޕިއާ، އަލްޖީރިއާ، އިރާގު، ޕާކިސްތާން، ބަންގްލަދޭޝް އަދި ނައިޖީރިއާ ހިމެނެ އެވެ.

ބްލޮކް ވިސާ ބައެއް ގައުމުތަކަށް މެދުކަނޑާލުމުގެ ސަބަަބުން ބޭރުގެ މަސައްކަތްތެރިނަށް ބަރޯސާވާ ސައުދީގެ ކުންފުނިތަކަށް އޭގެ އަސަރު ކުރާނެ ކަމަށް ބެލެވެ އެވެ.

އެ ސަސްޕެންޝަނަށް ދެމި އޮންނާނީ މި މަހުގެ ނިޔަލަށް ކަމަށް ސައުދީ ނޫސްތަކުން ބުނެ އެވެ.