ގަވާއިދާ ޚިލާފަށް މާލޭ މަޖީދީ މަގުގައި ޕާކު ކޮށްފައިވާ 74 އުޅަނދު ފުލުހުން ޓޯ ކޮށްފިއެވެެ.

މަޖީދީމަގު މަރާމާތު ކުރުމަށްފަހު 2022 ވަނަ އަހަރުން ފެށިގެން އެމަގުގެ ދެ ފަރާތުގައިވެސް ޕާކްކުރުން ވަނީ މަނާކޮށްފައެވެ.

މަޖީދީ މަގުގައި ޤަވާއިދާ ޚިލާފަށް ޕާކު ކުރުން ވަނީ އިތުރުވެފައެވެ. މިކަމާއި ގުޅިގެން އާންމު ދަތުރު ފަތުރު ތަކާއި ޕަބްލިކް ޓްރާންސްޕޯޓުތަކަށް ދަތިވާހެން ހުންނަ އުޅަނދުތައް ފުލުހުން ދަނީ ޓޯކުރަމުންނެވެ.

އެހެންކަމުން މިދިޔަ ބުރާސްފަތި ދުވަހުން ފެށިގެން ފުލުހުންވަނީ މިހާތަނަށް ދެ ފުރޮޅުލީ 69 އުޅަނދާއި، ހަތަރު ފުރޮޅުލީ ހަތަރު އުޅަނދު ވަނީ ޓޯ ކޮށްފައެވެ. އަދި ޓޯ ކުރާ އުޅަނދު އަނބުރާ ލިބޭނީ 48 ގަޑިއިރު ފަހުން ކަމަށްވެސް ފުލުހުން މަޢުލޫމާތު ދީފައިވެއެވެ.

ހަމައެއާއެކު ފުލުހުންވަނީ އުޅަނދުތައް ޕާކުކުރުމަށް ޚާއްޞަކުރެވިފައިވާ ސަރަޙައްދުތަކުގައި ޕާކުކުރުމަށް ރައްޔިތުންނަށް އިލްތިމާސް ކޮށްފައެވެ.

މާލޭގެ މަޖީދީމަގުގައި ހުއްދަނެތި ޕާކުކުރާ އުޅަނދުފަހަރުގެ ވެރިފަރާތްތަކާމެދު ޤާނޫނީ ފިޔަވަޅު އަޅާނެ ކަމަށް ފުލުހުން ހާމަކޮށްފައިވެއެެވެ.