މި ސަރުކާރުން ބޮޑުކޮށް ވައްކަން ކުރަން ފަށައިފި ކަމަށް ރައީސް އަބްދުﷲ ޔާމީން އަބްދުލް ގައްޔޫމް އަލަށް އުފައްދަވާ ޕާޓީ ޕީއެންއެފް އުފެއްދެވުމުގައި އިސްކޮށް ހަރަކާތްތެރިވާ މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މަލީހު ވިދާޅުވީ ޑިމޮކްރަސީގެ އެންމެ އަސާސީ ސިފަޔަކީ ރައްޔިތުންގެ ބާރު ކަމަށާއި މި ސަރުކާރުން ބޮޑުކޮށް ވައްކަން ކުރަން ފަށައިފި ކަމަށެވެ.
މީގެ އިތުރުން މަލީހު ވިދާޅުވީ ދެފުށް ފެންނަ ގޮތަށް އަމަލުތައް ބައްޓަން ކުރާނެ ކަމަށް ބުނަމުން އައި ސަރުކާރުން ޕްރޮޖެކްޓެއް ހަވާލު ކުރެވޭ އިރު އޭގެ ތަފްސީލް ވެސް ހާމަ ނުކުރާ ކަމަށެވެ. އަދި މީގެ އިތުރުން ޕްރޮޖެކްޓުތައް ހަވާލު ކުރެވޭ ފަރާތްތަކުގެ ޑިއު ޑެލިޖެންސްއާ އޭގެ ތަފްސީލާ އަގު ވެސް ހާމަ ނުކުރާ ކަމަށެވެ.
މި ސަރުކާރުން ހަމަ ބޮޑު ތަނުން ވައްކަން ކުރަން ފަށައިފި ކަމަށް މަލީހު ވަނީ ވިދާޅުވެފައެވެ.
