މި ސަރުކާރަކީ ރައްޔިތުންގެ މަސްލަހަތު ދަމަހައްޓަން ބޭނުންވާ ބައެއް ނޫން ކަމަށާއި، ރައްޔިތުންނަށް ބޭނުންވާ ކަންތައްތައް ކޮށްދޭނެ ބައެއް ނޫން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ، ބުރާސްފަތި ދުވަހުގެރޭ ބޭއްވި ޕީއެންއެފްގެ ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވިދާޅުވީ ރައްޔިިތުންގެ އަތުގައި ކުރީ ސަރުކާރުން ބަހައްޓައިފައި ހުންނަ ލާރި ވެސް މިހާރުގެ ސަރުކާރުން އަންނަނީ ނަގަމުން ކަމަށެވެ. އެގޮތުން އެމަނިކުފާނު ވަނީ ސެތްލްމަންޓު އެގރިމަންތުގެ ނަމުގައި ދެމުންދާ ބަދަލުތަކަށް އިޝާރާތްކުރައްވާ ވާހަކަފުޅު ދައްކަވާފައެވެ.

ރައީސް ޔާމީން އިތުރަށް ވިދާޅުވީ ރައްޔިތުންގެ ތެރެއިން ކޮންޓްރެކްޓަރުން ކޮށްފައި ހުރި މަސައްކަތަށް 10 ބިލިއަނަށް ވުރެ ގިނަ ރުފިޔާ ފިނެންސް މިނިސްޓްރީގައި އެންމެ ލާރި ފޮއްޗެއްވެސް ނުދީ ބަހައްޓާފައި ހުރި ކަމަށެވެ.

މިސަރުކާރުގެ ނެޓްވޯތު އުޅެނީ ނެގެޓިވެކޮށް ކަމަށާއި ހިންގުމުގެ ދާއިރާއަށް މިއަދު ވަނީ ކާރިސާއެއް އައިސްފައިކަމަށް ރަައީސް ޔާމީން ވިދާޅުވިއެވެ.