ޕާކިސްތާނުގެ ހުޅަނގު އުތުރުގައި ބޯކޮށް ވާރޭވެހި ފެންބޮޑުވުމުގެ ސަބަބުން 49 މީހުން މަރުވެފައިވާ ކަމަށް ރިޕޯޓްކޮށްފިއެވެ.
އެ ގައުމުން ހާމަކޮށްފައިވާ ގޮތުގައި ބޯކޮށް ވާރޭވެހި ފެންބޮޑުވުމުގެ ސަބަބުން ފާއިތުވި 24 ގަޑިއިރުގެ ތެރޭގައި ޕާކިސްތާނުގެ ހުޅަނގު އުތުރުގެ ސަރަހައްދުތަކާއި އެގައުމުގެ އެހެން ސަރަހައްދުތަކުގައި 49 މީހަކު މަރުވެފައިވެއެވެ.
އަދި ބިންގަނޑު ކަނޑައިގެން ދިއުމުގެ ސަބަބުން ހާލުގައި ޖެހިފައިވާ ފަރުބަދަމަތީ ސަރަޙައްދަކުން ތާށިވެފައި ތިބި 1300 ފަތުރުވެރިން އެ ސަރަހައްދުން ސަލާމަތް ކޮށްފައިވާ ކަމަށްވެސް ބުނެފައި ވެއެވެ.
މިދިޔަ ޖޫން މަހުގެ 26 ވަނަ ދުވަހުން ފެށިގެން ޕާކިސްތާނުގެ އެކި ހިސާބުތަކަށް ކުރަމުންދާ ވިއްސާރައިގައި 360 އަށް ވުރެ ގިނަ މީހުން މަރުވެފައިވާއިރު އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ.
ވިއްސާރައިގައި އެންމެ ފަހުން މީހުން މަރުވެފައިވަނީ ޕާކިސްތާނުގެ އުތުރާއި ހުޅަނގު އުތުރުން ކަމަށް އެގައުމުގެ އިދާރާތަކުން ބުނެއެވެ.
