މެލޭޝިއާގެ ފުލުހުން ހިންގަމުން އަންނަ ތަހުގީގެއްގައި އަބްދުﷲ ބާތިން މުހައްމަދު ނަމަކަށްކިޔާ ދިވެއްސަކު ހައްޔަރުކޮށްފައިވާ ކަމަށާއި ދިވެހި ފުލުހުންގެ އިދާރާއިން ހާމަކޮށްފިއެވެ.

ފުލުހުންގެ އިދާރާއިން އޭނާއާ ގުޅޭ ގެވެށި އަނިޔާގެ މައްސަލައެއް ވެސް ތަހުގީގު ކުރަމުންދާ ކަމަށް ފުލުހުން ބުނެފައިވެއެވެ.

މީނާގެ ގެވެށި އަނިޔާގެ މައްސަލައިގެ އިތުރުން، މީނާއަކީ މަސްތުވާތަކެއްޗާއި ރޭޕްގެ ރިކޯޑް އޮތް މީހެއް ކަމަށް ފުލުހުން މައުލޫމާތު ދީފައިވެއެވެ.

މިދިޔަ ބުދަ ދުވަހު އޭނާގެ މައްޗަށް ކޯޓު އަމުރެއް ނެރެފައިވާއިރު، އިއްޔެ ހަވީރު މެލޭޝިއާ ފުލުހުން ވަނީ އެގައުމުގައި ސައިކަލުގައި ދަނިކޮށް އޭނާ ހައްޔަރުކޮށްފައެވެ.