ތުރުކީ އިން ސަހްޔޫނީންނާއި ޚާރިޖީ ހުރިހާ ގުޅުމެއް ކަނޑާލައިފި ކަމަށް އެ ގައުމުން ހާމަކޮށްފިއެވެ.
ތުރުކީގެ ފޮރިން މިނިސްޓަރ ހަކާން ފިޑާން މީޑިއާއަށް ދެއްވި އިންޓަވިއުއެއްގައި ވިދާޅުވީ ތުރުކީއިން ސަހްޔޫނީންނާއި ވިޔަފާރީގެ ހުރިހާ ގުޅުމެއް ކަނޑާލައިފި ކަމަށާއި ތުރުކީގެ ޕޯޓްތައްވެސް ސަހްޔޫނީންނަށް ބަންދު ކަމަށެވެ.
ސަހްޔޫނީން ފަލަސްތީނާއި ދެކޮޅަށް ކުރަމުން އަންނަ ހަނގުރާމައިގެ ސަބަބުން ގިނަ ގައުމުތަކުން އަޑު އުފުލި ނަމަވެސް މިފަދަ ނިންމުންތައް ނިންމެވުމުގައި ފަހަތައް ޖެހޭކަން ފާހަގަކުރެވެއެވެ.
މީގެ އިތުރުން، ފޮރިން މިނިސްޓަރު ވިދާޅުވީ ނަސްލެއް އެއްކޮށް ނެތިކޮށްލަން ސަހްޔޫނީން މަސައްކަތް ކުރާ ތަން ބަލަން ނުތިބެވޭނެ ކަމަށާއި ހަނގުރާމަ މިހާރުން މިހާރަށް ހުއްޓާލުމަށް ގޮވާލާފައިވެއެވެ.
މި ހަނގުރާމާގައި މިހާތަނަށް އެތައް ބަޔަކު ޝަހީދުކޮށްފައިވާއިރު ސަހްޔޫނީން އަންނަނީ ފަލަސްތީނުގެ ރައްޔިތުން ބަނޑަށް ޖައްސަމުންނެވެ.
