ޕާކިސްތާނުގެ ނިއުކްލިއަރ މަރުކަޒުތައް ހަލާކު ކުރުމަށް މޮސާޑާއި އިންޑިއާ އަދި އެމެރިކާގެ ސީއައިއޭ ގުޅިގެން ރާވާފައިވާ ޕްލޭނެއް އީރާނުން ހޯދާ އެ މައުލޫމާތުތައް ޕާކިސްތާނާއި ހިއްސާކޮށްފައިވާ ކަމަށް ރިޕޯޓްތަކުން ބުނެފިއެވެ.

އީރާނުގެ އިންޓެލިޖެންސް އޭޖެންސީން ވަނީ އިންޓެލިޖެންސް މައުލޫމާތު އެއްކުރުމަށް އީރާނަށް ދަތުރު ކުރި މޮސާޑްގެ އެޖެންޓުންގެ ރޭވުން ނާކާމިޔާބުކޮށްފަ އެވެ.

އީރާނުން ބުނެފައިވާ ގޮތުގައި ސީއައިއޭ އާއި އިންޑިއާ މީހުން ވެސް މި މަސައްކަތުގައި ބައިވެރިވެފައިވެއެވެ.

މިކަމާއި ގުޅިގެން ޕާކިސްތާނުން އަންނަނީ އެ ގައުމުގެ ސަލާމަތީ ފިޔަވަޅުތައް އިތުރުކޮށް އެ ގައުމުގެ ރައްޔިތުންގެ ސަލާމަތްތެރިކަން ކަށަވަރުކުރުމަށް މަސައްކަތްތައް ކުރަމުން ކަމަށް މައުލޫމާތުތަކުން ހާމަވެއެވެ.

ސަހްޔޫނީނުންނާއި އެމެރިކާ އަދި އިންޑިއާގެ ބައިވެރިވުން އޮތް މި ރޭވުން ކާމިޔާބުވިނަ ޕާކިސްތާނަށް ބޮޑުތި ގެއްލުންތަކާއި ކުރިމަތިވާނެ ކަމަށް އިރާނުން ބުނެފައިވެއެވެ.

ސަހްޔޫނީނުންނާއި އިރާން އާއި ދެމެދު ޚާރިޖީ ގުޅުންތައް މެދު އިރުމަތީގެ ހަނގުރާމައާއި ގުޅިގެން ހިނާރުވެފައިވާއިރު އިރާންގެ މި އަމަލުގެ ސަބަބުން މި ގައުމުތަކުން އިރާނަށް ވަރުގަދަ ރައްދެއް ދޭނެ ކަމަށް ކަމާއި ގުޅޭ މާހިރުން އަންދާޒާކުރެެއެވެ.

މޮސާޑް، އިންޑިއާ އަދި އެމެރިކާއަކީ ނިކުކްލިއަރ ހަތިޔާރުގެ ގެންގުޅެ، މިތަކެތި އުފެއްދުމުގައި ވަރުގަދަ ބަޔަކަށް ވެފައި އިރާން އާއި ޕާކިސްތާނުގެ ނިއުކްލިއަރ މަރުކަޒުތައް ގޮއްވާލުމަށް އެކި ގޮތްގޮތުން މަސައްކަތް ކުރަމުން އަންނަކަން ފާހަގަކުރެވެއެވެ.