ރިޕޯޓުތައް ބުނާ ގޮތުގައި ކުރިއަށް އޮތް ގަޑިތަކުގައި ކާފިއު އިއުލާންކުރަން އެގައުމުގެ ސަރުކާރުން ތައްޔާރުވަމުން އަންނަ އިރު، މުވާސަލާތީ ހިދުމަތް ތައް މިހާރު ވެސް ވަނީ ކަނޑާލައިފަ އެވެ.

ހަސީނާގެ އިތުރުން އޭނާގެ ސަރުކާރުގައި މަސައްކަތް ކުރެއްވި އިތުރު 45 މީހަކު ހައްޔަރުކުރުމުގެ އަމުރެއް ވެސް ވަނީ ނެރެފައި އެވެ. ހަސީނާ،77، ބަންގްލަދޭޝް އިން ފިއްލެވި ފަހުން އާންމުންގެ ތެރެއިން ފެނިފައެއް ނުވެ އެވެ. އެކަމަނާ އެންމެ ފަހުން ފެނުނީ އިންޑިއާގެ ވެރިރަށް ދިއްލީ ކައިރީގައި އޮންނަ އަސްކަރީ ވައިގެ ބަނދަރަކަށް ހެލިކޮޕްޓަރުން ފޭބިތަނެވެ.