ބަންގްލަދޭޝްގައި އިންޑިއާއާ ދެކޮޅު ޝުއޫރު ބޮޑުވަމުން އަންނައިރު، ބައިނަލްއަގްވާމީ ފެނުގެ ގާނޫނުތަކަށް އިންޑިއާއިން އަޅާނުލާ ކަމަށް ބެލެވޭތީ ބަންގްލަދޭޝްގެ ގިނަ ބަޔަކު ހިތްހަމަ ނުޖެހުން ފާޅުކުރަމުންދާކަމަށް މައުލޫމާތު ހޯދިފައިވެއެވެ. ޚާއްޞަކޮށް އިންޑިއާގެ ކޯރު ފެން ޑައިވަރޝަން މަޝްރޫޢުތަކުގެ ސަބަބުން ބަންގްލަދޭޝްގެ ފެނުގެ ވަސީލަތްތަކަށް ވަރަށް ބޮޑަށް އަސަރުކޮށްފައިވާ މައްސަލަތަކުގެ ސަބަބުން އެ ގައުމަށް ބޮޑެތި ގެއްލުންތައްވެ އާންމުންގެ ނުރުހުން އަމާޒުވަމުންދާކަމަށް ރިޕޯޓުތަކުން ދައްކައެވެ.

ތާރީޚުން ހާމަވާގޮތުގައި ބަންގްލަދޭޝް އާއި އިންޑިއާ އަކީ ޖިއޮގްރަފިކަލް ގޮތުން ގާތްކަމެއް ބައްޓަންކޮށްފައިވާ ދެ ގައުމެވެ. ނަމަވެސް ފަހަކަށް އައިސް ހިނގަމުންދާ ދާޚިލީ ކަންކަމުގެ ސަބަބުން ދެގައުމުގެ ދެމެދުގައި އޮތް ފިތުނަތައް ވަނީ ފުންވެފައެވެ. އިންޑިއާގެ އަމިއްލަ ބޭނުންތަކަށް ފެން ޑައިވަރޓް ކުރަމުންދާއިރު، ގިނަ ދުވަސްތަކެއް ވަންދެން ޚިޔާލުތަފާތުވުން އުފެދިފައިވާ ގޭންގްސް ކޯރުގައި އޮންނަ ފަރަކާ ބެރެޖް ވަނީ އާ ރުޅިވެރިކަމެއް އުފެދިފަ އެވެ. މި ޑައިވަރޝަންގެ ސަބަބުން ތިރިއަށް ފެން ދައުރުވުން މަދުވެ، ދަނޑުވެރިކަމާއި، މަސްވެރިކަމާއި، ބަންގްލަދޭޝްގެ ޖުމްލަ ފެން ލިބޭ މިންވަރަށް ވަރަށް ބޮޑަށް އަސަރުކޮށްފައިވެއެވެ.

މި ކަންބޮޑުވުންތަކަކީ ހަމައެކަނި ބަންގްލަދޭޝްއަށް ހުރި ކަންބޮޑުވުންތަކެއް ނޫނެވެ. ދެކުނު އޭޝިއާގެ ހުރިހާ ހިސާބެއްގައި ވެސް އިންޑިއާގެ އަވަށްޓެރި ގައުމުތަކާ އޮންނަ ގުޅުން ވަނީ ބޯޑަރު މައްސަލަތަކުން ފެށިގެން ވިޔަފާރީގެ އިމްބެލެންސްތަކާ ހަމައަށް ގިނަ މައްސަލަތަކެއްގެ ސަބަބުން ގޯސްވެފަ އެވެ. ޕާކިސްތާނާއި ނޭޕާލް އަދި ރާއްޖެ ފަދަ ގައުމުތަކުން ވެސް ވަނީ ސަރަހައްދީ ސިޔާސަތުގައި އިންޑިއާގެ ބާރުގަދަ ސްޓޭންޑާއި ކުދި ގައުމުތަކުގެ ކަންބޮޑުވުންތަކާ މެދު އިންޑިއާގެ ފަރުވާކުޑަ ކަމަށް ހީވާ ކަމަށް ބުނެ މީގެ ކުރިންވެސް ޝަކުވާ ފާޅުކޮށްފަ އެވެ.

ބަންގްލަދޭޝްގައި މިހާރު އިންޑިއާ އާއި ދެކޮޅަށް ނުރުހުން ފާޅުކުރުން އިތުރުވެފައިވާކަން ފާހަގަކުރެވިފައިވެއެވެ. #IndiaEnemy ފަދަ މުޒާހަރާތަކާއި ސޯޝަލް މީޑިއާ ކެމްޕޭންތަކުން ބޮޑުވަމުން އަންނަކަން ފާހަގަކޮށްލެވެ އެވެ. ބަންގްލަދޭޝްގެ ގިނަ ބަޔަކު ދެކެނީ އިންޑިއާގެ އަމަލުތަކަކީ އެމީހުންގެ ގައުމުގެ އިސްތިގުލާލާއި ތިމާވެށީގެ ސަލާމަތަށް ސީދާ ނުރައްކަލެއްގެ ގޮތުގަ އެވެ. އަދި ހާލަތު އިތުރަށް ގޯސްވަނީ ފެން ހިއްސާކުރުމުގެ މައްސަލަތައް އެކަށީގެންވާ ގޮތެއްގައި ހައްލުކުރާ ފުރިހަމަ ބައިލެޓަރަލް އެއްބަސްވުމެއް ނެތުމުންނާއި އިންޑިއާއިން ނިންމާ އެއްފަރާތުން ނިންމާ ނިންމުންތަކުގެ ސަބަބުން ކަމަށް ބުނަމުންނެވެ.

ތަޖުރިބާކާރުން އިންޒާރު ދޭ ގޮތުގައި މި މައްސަލަތައް ހައްލު ނުކުރެވިއްޖެނަމަ މައްސަލަތައް އިތުރުވެ، މި ސަރަހައްދުގައި ޑިޕްލޮމެޓިކް ގޮތުން ފުޅާ ދާއިރާއެއްގައި ގެއްލުން ލިބިދާނެ ކަމަށެވެ. އަވަށްޓެރި ގައުމުތަކާ އޮންނަ ގުޅުން އިތުރަށް ގޯސްވުން ހުއްޓުވުމަށްޓަކައި ބިނާކުރަނިވި މަޝްވަރާތަކެއްގައި ބައިވެރިވުމާއި ބައިނަލްއަގްވާމީ ފެން ހިއްސާކުރުމުގެ އުސޫލުތަކަށް ތަބާވުމަށް ގޮވާލުންތައް ދަނީ އިތުރުވަމުންނެވެ.