މިނިވަން ނޫސްވެރިކަން ދެމެހެއްޓުމަށް އިނގިރޭސިވިލާތުން ރާއްޖެއަށް ގޮވާލާއިފިއެވެ.

ޚިޔާލާ ފިކުރުގައި ތަޅުއަޅުވާ ނޫސްވެރިންގެ ގަލަންތަކުގައި ދޯރި ޖަހަން މަޖްބޫރުކުރާ ބިލެއް ތަސްދީގުކޮށް ރައީސް ޑރ މުހައްމަދު މުއިއްޒު ގާނޫނަކަށް ހެދުމުން އެކަމާ ދެކޮޅަށް ޔޫކޭ ހައިކޮމިޝަންއިން ވަނީ އެކްސްގައި ޕޯސްޓުކޮށްފައެވެ.

އެ ޕޯސްޓުގައި ބުނެފައިވަނީ، މިދިޔަ އަހަރު ސަމޯއާގައި ބޭއްވި ކޮމަންވެލްތު ގައުމުތަކުގެ އިސްވެރިންގެ ބައްދަލުވުމުގައި، މިިނިވަން ނޫސްވެރިކަމަށް ފުރުސަތު ދިނުމަށް ވެފައިވާ އެއްބަސްވުމަށް އިހުތިރާމުކޮށް، އެ އެއްބަސްވުން ނެގެހެއްޓުމަށް ގޮވާލާކަމަށެވެ.

އިނގިރޭސި ހައި ކޮމިޝަނުްނ ވަނީ މިދިޔަ އަހަރު ކޮމަންވެލްތު ގައުމުތަކުގެ އިސްވެރިންގެ މެދުގައި ސަމޯއާގައި ބޭއްވި ބައްދަލުވުމުގައި މިނިވަން އަދި ޒިންމާދާރު ނޫސްވެރިކަމަކީ ޑިމޮކްރެސީއެއްގެ މުހިންމު އަސާސް ކަމަށް ހުރިހާ ގައުމަކުން ވެސް އެއްބަސްވެފައިވާ ކަމަށެވެ.

ޔޫކޭގެ އިތުރުން އެމެރިކާއިން ވެސް ވަނީ ރާއްޖެއަށް މިނިވަން ނޫސްވެރިކަމަށް ހުރަސް ނޭޅުމަށް ގޮވާލާފައެވެ.

ރައީސް މުއިއްޒު އާ ސަރުކާރުން ވަނީ ސަރުކާރަށް ފާޑުކިޔާ އަދި ކޮރަޕްޝަން އާ ވައްކަމުގެ ވާހަކަ ނޫސްވެރިން ދައްކާތީ ބިލެއް ގާނޫނަކަށް ހަދާ ނޫސްވެރިންގެ އަނގަ ބަންދުކުރަން މަގު ފަހި ކޮށްފައި ކަމަށް ގިނަ ބަޔަކު ދެކެއެެވެ.