އެމްޑީޕީ ބޮޑު އެއްވުމެއް ރާވާ އިއުލާންކޮށްފައިވަނިކޮށް، މާލޭގެ ސަރަހައްދުތަކެއް ބަންދުކުރާނެކަމށް ފުލުހުން ހާމަކޮށްފިއެވެ.

ދިވެހި ފުލުހުންގެ އިދާރާއިން އެކްސްގައި ކުރި ޕޯސްޓެއްގައި ބުނެފައިވަނީ، ފުލުހުން ކުރިއަށްގެންދާ އޮޕަރޭޝަނަކާ ގުޅިގެން މިއަދާއި މިރޭގެ އެކި ވަގުތުތަކުގައި އާންމު ޓްރެފިކަށާއި ހިނގާ މީހުންނަށް މާލޭގެ އެކި ސަރަހައްދުތައް ބަންދުކުރެވޭނެ ކަމަށެވެ.

އެކަމުގައި ރައްޔިތުންގެ ފުރިހަމަ އެއްބާރުލުމާއި އެހީތެރިކަމަށް އެދޭ ކަމަށާ އަދި މިކަމުގެ ސަބަބުން ރައްޔިތުންނަށްް ދިމާވެދާނެ ދަތިތަކަށް ނިހާޔަތަށް މާފަށް އެދޭ ކަމަށް ވެސް ފުލުހުން ބުނެފައިވެއެވެ.

ފުލުހުންގެ މިފަދަ އޮޕަރޭޝަނެއް ފަށާފައި މިވަނީ، އެމްޑީޕީ އިން މިރޭ ބޮޑު އެއްވުމެއް ބާއްާނެކަން ދުރާލާ އިއުލާނުކޮށް ރާވާ ހިންގަން ނިންމާފައިވަނިކޮށްކަން ފާހަގަކޮށްލެވެއެވެ.

އެ އެއްވުމުގައި ބައިވެރިވުމަށް ގިނަ ރައްޔިތުންތަކެއް މާލެ ދަތުރުކުރަމުންދާކަން ވެސް ފާހަގަކޮށްލެވެއެވެ.