މާލޭ އޭރިއާގެ ފުލުހުންގެ ކޮމާންޑަރެއްގެ ގޮތުގައި ހުންނެވި ބޭފުޅާ ބަދަލުކޮށްފިއެވެ.
މިސް މީޑިޔާގައި ދައުރުވަމުންދާ ހެޑްލައިންތަކަކާ ގުޅިގެން ފުލުހުންގެ މީޑިޔާއާ ޗެނަލް13 އިން ސުވާލުކުރުމުން ފުލުހުންގެ މީޑިޔާއިން ވިދާޅުވީ، އެ މަގާމުގައި ކުރިން ހުންނެވި އެސިސްޓެންޓް ކޮމިޝަނަރު އޮފް ޕޮލިސް އާސިމް އަބްދުاللهގެ ބަދަލުގައި ހެޑް އޮފް މާލެ ޕޮލިސްގެ މަގާމަށް، ސެންޓްރަލް އިންވެސްޓިގޭޝަން ކޮމާންޑުގެ މަގާމުގައި ހުންނެވި އެސިސްޓެންޓު ކޮމިޝަނަރ އޮފް ޕޮލިސް، އަބްދުﷲ ޝަރީފު (ޝަރީފު ސަރ) އައްޔަންކުރައްވާފައިވާ ކަމަށެވެ.
އެ ބަދަލު ގެނެސްފައިވަނީ، ފުލުހުންގެ އިދާރީ ހިންގުމުގެ ތެރެއިން ބަހާތަކަށް ގެންނަ ބަދަލުތައް އަބަދުވެސް ގެންނަމުންދާ ކަމަށާ އެގޮތުން ޝަރީފު ސަރ އެ މަގާމަށް އައްޔަންކޮށްފައިވަނީ އިއްޔެގެ ވަގުތެއްގައި ކަމަށްވެސް ފުލުހުންގެ މީޑިޔާ އޮފިސަރ ވިދާޅުވެފައިވެއެވެ.
މިފަދަ ބަދަލެއް ކުއްލިއަކަށް ގެނެސްފައި މިވަނީ މިރޭ އެމްޑީޕީގެ ރެލީއެއް ބާއްވަން ނިންމާފައިވަނިކޮށްކަން ފާހަގަކޮށްލެވެއެވެ.
