އިދާރީ މުވައްޒަފުންނަށްވުރެ މަސައްކަތު މީހުންގެ މުސާރަ ބޮޑުކަމަށް ހާމަވެއްޖެއެވެ.

މެޑަލް ޖެހުމަށް ރައީސް ޑރ.މުހައްމަދު މުއިއްޒު މި މަހު އެއްވަނަ ދުވަހު ކައުންސިލްތަކުގެ މުވައްޒަފުންގެ މުސާރައާއި, ޝަރުއީ ދާއިރާގެ މުވައްޒަފުންގެ އިތުރުން ސިވިލް ސާވިސް މުވައްޒަފުން މުސާރަ ވެސް ވަނީ ބޮޑުކޮށްފައެވެ.

މުސާރަ ބޮޑުކުރި އިރު ވަރަށް ބޮޑަށް ބޭއިންސާފުން ކަންތައް ކޮށްފައިވާކަމުގެ ޝަކުވާ ވަނީ ބޮޑުވެފައެވެ.

އެގޮތުން ނަން ހާމަނުކުރުމަށް ޝަރުތުކޮށް ތޭރައޮންލައިނަށް މައުލޫމާތު ދިން ފަރާތެއް ބުނީ އެ ފަރާތުން މަސައްކަތް ކުރާ އޮފީހުގައި ވެސް އިދާރީ މުވައްޒަފުންނަށްވުރެ ބޮޑަށް ސާފުކުރަން އުޅޭ މަސައްކަތު މީހާގެ މުސާރަ ބޮޑުކަމަށެވެ.

އިދާރީ މުވައްޒަފުންނަކީ ފައިސާ ހަރަދުކޮށްގެން ބޮޑެތި ޔުނިވަސިޓީތަކުން ތައުލީމު ހާސިލުކޮށްގެން ތިބޭ ބަޔަކަށްވާއިރު އެއްވެސް ތައުލީމެއް ނެތް ބަޔަކަށް މުސާރަ ބޮޑުކޮށް ދޭތީ ގިނަ ބަޔަކު ވަނީ ކަންބޮޑުވުން ވެސް ފާޅުކޮށްފައެވެ.

މީގެއިތުރުން މިހާރު އަަށް ގަޑިއިރު ހަމަކުރުމުން ނޫނީ އިތުރުގަޑީގެ ފައިސާވެސް ދެވެން ނެތްކަމަށް ފިނޭންސް މިނިސްޓްރީން ވަނީ ބުނެފައެވެ.

މުސާރަ ބޮޑުކުރިކަމަށްބުނެ ސަރުކާރުން ފޮނި އަނގަތަޅަމުން ދާއިރު ހަގީގަތުގައި މިިކަމުގައި ވެސް ވަނީ ވަރަށް ބޮޑަށް ރައްޔިތުންނަށް އޮޅުވާލާފައެވެ.