‏ރާއްޖޭގެ މައި އެއަރޕޯޓް ކަމަށްވާ ވެލާނާ އިންޓަނޭޝަނަލް އެއަޕޯޓް ބޭރު ބަޔަކަށް ވިއްކާލާފަ ވަނިކޮށް 350 މިލިއަން ޑޮލަރު ދައްކާފަ އެއަރޕޯޓް ދިވެހިންގެ ތަނަކަށް ހަދާ 1 ބިލިއަން ޑޮލަރުގެ ޒަމާނީ އެއަރޕޯޓެއް ރައީސް ޔާމީން އަބްދުލްގައްޔޫމް ހައްދަވާ ދެއްވީމަ މުއިއްޒު އުޅުއްވަނީ އެތާ ފިނި ހޫނުމިން ބަހައްޓަންވި ވަރު ނޭގިގެން ކަމަށް ބުނެ ޕީއެންއެފްގެ ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

އެއާޕޯޓުގައި ފިނިހޫނު މިން މިހާރު ހުންނަނީ 15 ޑިގްރީ ސެލްސިއަސްގައެވެ. އެއީ މާ ބޮޑަށް ފިނި މިނެއް ކަމަށާއި އިސްރާފު ބޮޑު ގޮތެއް ކަމަށް ބުނެ ގިނަ ބަޔަކު ފާޑު ކިޔާފައިވެއެވެ.

މީގެ އިތުރުން، ކުރީގެ ރައީސް މުހައްމަދު ނަޝީދުވަނީ އެއާޕޯޓްގެ ފިނިމިން ރަނގަޅު ނޫން ކަމަށާއި ވަރަށް ފިނި ގަދަކަމަށް ބުނެ ޕޯސްޓް ކޮށްފައެވެ.

ޖުލައި 26 ވަނަ ދުވަހު ހުޅުވުނު ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް މިހާރު ޚިދުމަތްދެމުން އަންނައިރު މިއީ ރައީސް ޔާމީންގެ ބުރަ މަސައްކަތުން ދިވެހިންނަށް ދިވެހިންގެ އެއާޕޯޓް އަނބުރާ ހޯދައިދީ ހައްދަވާ ދެއްވި އެއާޕޯޓެކެވެ.

އެތަން ހުޅުވުމުގެ ޝަރަފު މި ސަރުކާރުން ހޯދި ނަމަވެސް އެކަށީގެންވާ ގޮތެއްގައި އެއާޕޯޓް ހިންގުމަށް މުއިއްޒަށް ވަނީ ނޭގިފައެވެ.