އިންޑިއާގައި ނިމިދިޔަ ހަފްތާ ތެރޭގައި ދިން ބޮމުގެ ހަމަލާގެ ޒިންމާ ތުރުކީގެ ބޮލުގައި އަޅުވަން ބީޖޭޕީ މީޑިއާއިން މަސައްކަތް ފަށައިފިއެވެ.

ބީޖޭޕީއިން އަންނަނީ މި ހަމަލާތަކުގެ ތުހުމަތު މުސްލިމް ގައުމުތަކުގެ ބޮލުގައި އަޅުވާ ހަނގުރާމައެއް ފެށުމަށް އެކި ގޮތްގޮތަށް މަސައްކަތް ކުރަމުންނެވެ.

އިންޑިއާގެ ރެޑް ފޯޓްގައި އެންމެ ފުރަތަމަ ދިން ހަމަލާއާއި ގުޅިގެން އިންޑިއާގެ ވެރިކަން ކުރާ ޕާޓީއިން ވަނީ މުސްލިމް ޑޮކްޓަރެއް ހައްޔަރުވެސް ކޮށްފައެވެ. މިކަމާއި ގުޅިގެން މުސްލިމުންނާއި ބައިނަލްއަގްވާމީ ޖަމިއްޔާތަކުން އަންނަނީ މޯދީއަށް ބޮޑެތި ފާޑުކިޔުންތައް އަމާޒުކުރަމުންނެވެ.

މިއާއި އެކު އިންޑިއާގައި ބޮން ގޮއްވާލުމާއި އެކު ޕާކިސްތާނުގައިވެސް ވަނީ ބޮމުގެ ހަމަލާއެއް ދީފައެވެ. ދެ ގައުމުގެ މި ހަމަލާތައް ގުޅިފައިވާ ކަމަށް ތުހުމަތުތައް ކުރެވިފައިވީ ނަމަވެސް ދެ ގައުމުންވެސް ރަސްމީކޮށް އެއްޗެއް ބުނެފައިނުވެއެވެ.

ނަމަވެސް ބީޖޭޕީއިން އަންނަނީ ގައުމުތަކުގެ މެދުގައި މައްސަލަ އުފައްދާ ހަނގުރާމައެއް ފެށުމަށް މޯދީ ސަރުކާރަށް ހިތްވަރުދެމުންނެވެ. ވަކީން ޚާއްސަކޮށް ފަލަސްތީނަށް ތާއިދުކޮށް ވަކާލާތުކުރާ ގައުމުތައް ހިމެނޭކަން ފާހަގަކުރެވެއެވެ.