މޯލްޑިވްސް ފުޑް އެންޑް ޑްރަގް އޮތޯރީޓީއިން މިއަދު ރާއްޖޭގައި ވިއްކުން މަނާކުރި ކުޑަކުދިން ބޭނުންކުރާ ފޯމިއުލާއެއް ކަމަށްވާ ”ބައިހާޓް ހޯލް ނިއުޓްރިޝަން އިންފެންޓް ފޯމިއުލާ“ ބޭނުންކުރުން އެ އުފައްދާ ކުންފުނި ބައިހާޓް އިންކޯޕްރޭޓެޑްއިން ވަނީ މީގެ އެތައް ދުވަހެއް ކުރިން އެ ބޭނުންނުކުރުމަށް އަންގާފައެވެ.
މި އުފެއްދުން މިހާރަށް ބޭނުން ނުކުރަން ބުނެފައިވަނީ މި ފޯމިއުލާގެ ބެޗްތަކުން ކުލޮސްޓްރިޑިއަމް ބޮޓުލިނަމް ޖަރާސީމު ފެނިފައިވާ ކަމަށް ބުނެއެވެ.
މި ފޯމިއުލާ ބޭނުންކޮށްގެން ގިނަ އަދަދެއްގެ ކުޑަކުދިންނަށް ސިއްޙީ ގިނަ މައްސަލަތައް ކުރިމަތިވެފައިވާ ކަމަށް އެކި ނުސްތަކުން ރިޕޯޓްކޮށްފައިވާއިރުވެސް ރާއްޖޭގެ ފުޑް އެންޑް ޑްރަގް އޮތޯރިޓީއިން މި މައްސަލަައިގައި ފިޔަވަޅު އަޅަން ފަށާފައިވަނީ ތިން ހަފްތާ ފަހުންނެވެ.
ރާއްޖެއަށް އިމްޕޯޓްކޮށް ވިއްކާ ކާބޯތަކެއްޗަކީ މޮނިޓަރކޮށް ޗެކް ކުރެވެންޖެހޭ ތަކެއްޗަށްވާއިރު ޚާއްސަކޮށް ކުޑަކުދިން ބޭނުންކުރާ ފޯމިއުލާއެއްގައި ޖަރާސީމުތަކެއް ހުރެ މި އުފެއްދުން ބާޒާރުތަކުން ތިން ހަފްތާ ވެގެންދިޔައިރު ނުނެގުމަކީ އެފް.ޑީ.އޭގެ ޒިންމާދާރުކަން ކުޑަކަމުގެ ހެއްކެކެވެ.
މި ބްރޭންޑްގެ އުފެއްދުން ބޭނުންކޮށްފައިވާ ފަރާތްތައް ހޯދައި މިހާރުން މިހާރަށް ސްކްރީން ކުރުމަށް ގިން ފަރާތްތަކުން ގޮވާލާފައިވެއެވެ.
