ރާއްޖޭގެ ފާމަސީތަކުގައި ވިއްކާ ނެސްލޭ ކުންފުނީގެ އިންފެންޓް ފޯމިއުލާގެ ބެޗުތަކެއް ތަޣައްޔަރުވެފައިވާތީ ސަމާލުވާން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން އިލްތިމާސްކޮށްފިއެވެ.
އެމްއެފްޑީއޭއިން ބުނީ ނެސްލޭއިން އުފައްދާ "އެސްއެމްއޭ" ބްރޭންޑުގެ އިންފެންޓް ފޯމިއުލާއާއި، ފޮލޯއަޕް ފޯމިއުލާގެ ބައެއް ބެޗުތަކުން "ސެރެއުލައިޑް" ކިޔާ ވިހަ މާއްދާއެއް ފެނިފައިވާ ކަމަށެވެ.
އެހެންކަމުން އެ ތަކެތި ބާޒާރުން ނެގުމަށް ނިންމައިފައިވާ ކަމަށް އެ ކުންފުނިން ވަނީ އިއުލާނުކޮށްފައެވެ.
ސެރެއުލައިޑަކީ ބެސިލަސް ސިރިއަސް ޖަރާސީމުން އުފައްދާ ވިހަ މާއްދާއެކެެވެ. މި މައްދާއިން ތަޣައްޔަރުވެފައިވާ އެއްޗެއް ބޭނުން ކުރެއްވިޖެ ނަމަ، މޭނުބައިކޮށް، ހޮޑުލުން، އަދި ބަނޑުގައި ރިއްސުންފަދަ އަލާމަތްތައް ފެނުމަކީ އެކަށީގެންވާކަމެއް ކަމަށް އެ އޮތޯރިޓީން ބުނެފައިވެއެވެ.
ތަޣައްޔަރުވެފައިވާ ބާވަތްތަކުގެ ތެރޭ ހިމެނެނީ އަންނަ އަހަރުގެ އެޕްރީލް، މޭ، ޖޫން، ޖުލައި، މުއްދަތު އޮކްޓޯބަރު އަދި ނޮވެމްބަރަށް މުއްދަތު ހަމަވާ އުފެއްދުންތަކެކެވެ. އެއީ:
މީގެ ކުރިން ވެސް ރާއްޖެއަށް އެތެރެކުރާ ބައެއް ކާބޯތަކެއްޗާއި، ބޭހުގެ ބާވަތްތައް ތަޣައްޔަރުވުމުން އެމްއެފްޑީއޭއިން ސަމާލުވާން އަންގައިފައިވެއެވެ.
