ބިދޭސީންނަށް ވެހިކަލް ރެޖިސްޓާ ކުރުމުގެ ޚިދުމަތް މެނދުކަނޑާލައިފިއެވެ.

މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން، މުޙައްމަދު އަމީން އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ މި ހިދުމަތް މެދުކަނޑާލެވިފައިވަނީ ވަގުތީގޮތަށް ކަމަށެވެ.

މިނިސްޓަރު އިތުރަށް ވިދާޅުވީ، ރާއްޖޭގެ އެކި ސަރަހައްދުތަކުގައި، ޚާއްސަކޮށް މާލޭ ސަރަހައްދުގައި އެއްގަމު އުޅަނދުތައް ގިނަވެ، ތޮއްޖެހުމުގެ މައްސަލަ ހައްލުކުރުމަށްޓަކައި، އެއްގަމު ދަތުރުފަތުރުގެ ޤާނޫނާއި ޤަވާއިދުތަކަށް ގެންނަންޖެހޭ ބަދަލުތައް ގެނެސް އިސްލާހުކުރުމުގެ މަސައްކަތްތައް ދަނީ ކުރިއަށް ގެންދެވެމުން ކަމަށެވެ.

މާލެ ސަރަހައްދަށް ދިމާވެފައިވާ ޕާކިންގެ މައްސަލަ ހައްލު ކުރުމަށްޓަކައި ހާއްސަ ޕާކިން ބިލްޑިންތަކެއް އެކި ސަރަހައްދުތަކުގައި އަޅާނެ ކަމަށް ސަރުކާރުން ކުރިން ބުނެފައިވާނަމަވެސް މި މަސައްކަތް ކުރިއަށް ނުދާކަން ފާހަގަކުރެވެއެވެ.

ވެހިކަލްތަކާއި ތޮއްޖެހުމުގެ މައްސަލަ އަންނަނީ ދުވަހަކަށް ވުރެ ދުވަހަކަށް އިތުރުވަމުންނެވެ.