ދިވެހި ބަހުގެ އެކެޑަމީގެ ރައީސް ޑރ. އަޝްރަފް އަބްދުއްރަޙީމް އިސްތިއުފާ ދެއްވައިފިއެވެ.
ޗެނަލް 13 އަށް މައުލޫމާތު ލިބުނު ގޮތުގައި ބުދަ ދުވަހު 13:30 ގައި މުވައްޒަފުންނާ ބައްދަލު ކުރައްވައި އަޝްރަފް ވަނީ ބުދަ ދުވަހު 14:00 އިން ފެށިގެން މަގާމުން އިސްތިއުފާ ދެއްވިކަން އިއުލާން ކުރައްވައިފައެވެ.
އިސްތިއުފާ ދެއްވި ސީދާ ސަބަބެއް އަދި ހާމައެއް ނުކުރެއެވެ.
އަޝްރަފް އެކެޑަމީގެ ރައީސްގެ މަގާމަށް އައްޔަން ކުރެއްވީ, އޮގަސްޓް, 2021 ގައެވެ. އޭނާގެ ދައުރު ހަމަވާނީ އަންނަ އަހަރުގެ އޮގަސްޓް މަހަށެވެ.
އަޝްރަފް އިސްތިއުފާ ދެއްވާފައި މިވަނީ އެކެޑަމީގެ ރައީސްކަމުގެ މަގާމުގައި ހުންނަވާތާ ހަތަރު އަހަރާއި ހަތަރު މަހާއި 22 ދުވަސް ފަހުންނެވެ.
އެކެޑަމީގެ ރައީސްކަމުގައި ހުންނަވާ އަޝްރަފް ވަނީ އަދަބީ މަސައްކަތްތަކާއި ބަހުގެ ކަންކަން ހަރުދަނާ ކުރައްވަން ގިނަ މަސައްކަތްތަކެއް ކުރައްވައިފައެވެ. އޭގެ ތެރޭގައި ސްކޫލު ކުދިންނާއި އޮފީސްތަކަށް ޚާއްސަކޮށްގެން މުބާރާތްތަކާއި ތަމްރީނުތައް ކުރިއަށް ގެންދެވުން ހިމެނެއެވެ.
އެހެންނަމަވެސް އަޝްރަފް ހުއްޓާވެސް އެކަޑަމީ ހިންގަނީ ދިވެހި މިނިސްޓަރ އާދަމް ނަސީރެވެ.
