ދިވެހިރާއްޖެއަށް ފުޅާ ދާއިރާއެއްގައި ފިނިކުރި ކާބޯތަކެތި އެތެރެކޮށް ވިއްކަމުން އަންނަ މަޝްހޫރު "ކުކުޅު ފިހާރަ" އިން ކަސްޓަމަރުންނަށް ހާއްސަކޮށްގެން، ސްލައިސް ޗީޒް ކޭހެއް ހިލޭ ލިބޭ ޕްރޮމޯޝަނެއް ފަށައިފިއެވެ.

މި ޕްރޮމޯޝަނާ ގުޅޭގޮތުން މައުލޫމާތު ދެއްވަމުން ކުކުޅު ފިހާރައިގެ ސޭލްސް އެންޑް މާކެޓިންގ މެނޭޖަރު މާޝިތާ އާދަމް ވިދާޅުވީ، މިއީ ކަސްޓަމަރުންނަށް ލުއިފަސޭހަ ގޮތްތަކެއް މަގުފަހިކޮށްދިނުމުގެ ގޮތުން ފެށި ޕްރޮމޯޝަނެއް ކަމަށެވެ. މިގޮތުން ކަސްޓަމަރުން ބައްލަވައިގަންނަވާ ސްލައިސް ޗީޒްގެ ކޮންމެ 10 ކޭހަކަށް އިތުރު އެއް ކޭސް މުޅިން ހިލޭ ލިބިގެންދާނެ ކަމަށް އޭނާ ފާހަގަކުރެއްވިއެވެ.

ކުކުޅު ފިހާރައިން ވިއްކާ ސްލައިސް ޗީޒްގެ ތަފާތު ތިން ސައިޒެއް މިހާރު ބާޒާރުން ލިބެން ހުރެއެވެ. އެއީ 100 ގްރާމް، 200 ގްރާމް، އަދި އެއް ކިލޯގެ ޕެކެޓްތައް ހިމެނޭ ކޭސްތަކެވެ.

މާޝިތާ އިތުރަށް ވިދާޅުވި ގޮތުގައި، މި ޕްރޮމޯޝަންގެ ދަށުން ތިން ސައިޒުގެ ކޭސް މިކްސްކޮށް ބައްލަވައިގަތް ކަމުގައި ވިޔަސް، ކޮންމެ 10 ކޭހަކަށް ހިލޭ ލިބޭ ކޭސް ލިބޭނެއެވެ. މިއީ ހޯލްސޭލްކޮށް ވިޔަފާރިކުރާ ފަރާތްތަކަށާއި، ގިނަ އަދަދަކަށް ޗީޒް ބޭނުންވާ ކެފޭ ރެސްޓޯރެންޓް ފަދަ ތަންތަނަށް ލިބޭނެ ވަރަށް ބޮޑު ފުރުސަތެކެވެ.

ކުކުޅު ފިހާރައަކީ ފެންވަރު ރަނގަޅު ކާބޯތަކެތި ރާއްޖޭގެ ބާޒާރަށް ފޯރުކޮށްދިނުމުގައި ގިނަ ދުވަސްތަކެއް ވަންދެން އިތުބާރު ހޯދާފައިވާ ތަނެކެވެ. މި ޕްރޮމޯޝަނާ ގުޅޭ އިތުރު މައުލޫމާތު ކުކުޅު ފިހާރައިގެ އައުޓްލެޓްތަކުންނާއި ސޯޝަލް މީޑިއާ ޕޭޖުތަކުން ލިބޭނެ ކަމަށް އެ ފިހާރައިން ބުނެއެވެ.