މާލެ ސިޓިގެ މޭޔަރު ކަމަށް ނުކުންނަނީ ރައީސް އަބްދުﷲ ޔާމީންގެ ތާއީދާއެކު ކަން އެ މަގާމަށް ކުރިމަތިލާ ގައުމީ ކެންޑިޑޭޓު އިސްމާއިލް ޒަރިަޔންދު ކަށަވަރުކޮށްދީފިއެވެ.

އެގޮތުން ޒަރިޔަންދު ރައީސް ޔާމީންގެ ފަޅި ދޫކޮށް އަމިއްލައަށް ކައުންސިލް އިންތިހާބުގައި ވާދަކުރަން ނިންމި ކަމަށް ބުނެ ސަރުކާރުން ފަންޑުން ކޮށްގެން ހިންގާ ބްލޮގެއް ކަމަށްވާ "ރާކަނި"ގައި ދޮގު ހަބަރު ފަތުރާފައިވާވުމާ އެކު ޒަރިޔަންދު ވަނީ އޭނާ އިންތިހާބަށް ނުކުންނަނީ ރައީސް ޔާމީންގެ ތާއީދާއެކު ކަން ކަށަވަރުކޮށްދީފައެވެ.

އެކްސްގައި ކުރެއްވި ޕޯސްޓެއްގައި ޒަރިޔަންދު ވިދާޅުވީ، އޭނާގެ ޤައުމީ ފިކުރާއި، އުސޫލުތަކާއި، ޤާނޫނީ ހަމަތަކަށް ބަލައި، ރައްޔިތުންގެ ހިދުމަތުގެ އިންތިޚާބީ މަޤާމަކަށް ނުކުތުމަށް ސިޔާސީ އެއްވެސް ފަރާތަކުން ބޭނުންނުވެ އޮއްވާ، އެ ހިތްވަރާއި އިތުބާރު އިސްވެ އޭނާއަށް ދެއްވީ ރައީސް ޔާމީން ކަމަށެވެ.

އެހެންކަމުން ރައީސް ޔާމީންގެ ތާއީދާއިއެކު މާލޭގެ މޭޔަރުކަމަށް ކުރިމަތިލުމަށް ހެދުން އެޅީ ނުވަތަ ތައްޔާރުވީ ހުދުކުލައިން އެހެން ކުލަތަކަށް ބަދަލުކުރުމުގެ ފުރުސަތު ބޮޑުވާތީ ކަމަށާ ހުދުކުލައިގެ ހެދުމެއްގައި ހުރެ ހަދާ ދޮގު ރައްޔިތުންނަށް ޤަބޫލުކުރަން ފަސޭހަވާތީ އޭނާ މޭޔަރުކަމަށް ނުކުންނަން އިއުލާން ކުރަން ހެދުން އެޅި ކަޅުކުލަ ހިޔާރުކޮށްގެން ކަމަށްވެސް ޒަރިޔަންދު ވަނި ވިދާޅުވެފައެވެ.

ޒަރިޔަންދު މިފަދައިން ވިދާޅުވެގައިވާއިރު، ރައީސް ޔާމީންގެ އެންޑޯސްމަންޓު ޒަރިޔަންދަށް ދެއްވީ މާލެ ސިޓީ ކައުންސިލްގެ ތެރޭގައި ރަގަޅު ކުރަން ޖެހޭ ބައިވަރު ކަންކަން ހުރެ އެކަންކަން ބަލާ ފިޔވަޅު އެޅުމުގެ ގާބިލުކަން ޒަރިޔަންދުގެ ކިބައިގައި ހުރި ކަމަށް އެމަނިކުފާނު ދެކެވަޑައިގަންނަވާތީކަން ހާމަކުރައްވާފައިވެއެވެ.

އެހެންކަމުން ހުރިހާ ދިމާއަކުން ވެސް ރީސެޓު ކުރަން ޖެހިފައި އޮތުމުން މާލެ ސިޓީ ރީސެޓުކުރެވޭނީ ޒަރިޔްންދު ފަދަ ނަޒާހަތްތެރި މީހަކަށް ކަމަށް ވެސް ރައީސް ޔާމީން ވަނީ ވިދާޅުވެފައެވެެ.