ޣައްޒާގައި ހަނގުރާމަ ހުއްޓާލުމުގެ އެއްބަސްވުމަކާ ހަމައަށް މިސްރުގެ ވެރިރަށް ޤާހިރާގައި ހަމާސްގެ އާ އިސްރާއީލަށް ނާދެވި ވާހަކަތައް ނިންމާލައިފި އެވެ. ނަމަވެސް ހަމާސްއިން ބުނަނީ އިސްރާއީލާއެކު ނުސީދާ މަޝްވަރާތައް ނުނިމޭ ކަމަށެވެ.
ކުރިއަށް އޮތް ހަފުތާގައި ރަމަޟާން މަސް ފެށުމަށް 40 ދުވަހުގެ މުއްދަތަށް ހަމަނުޖެހުން ހުއްޓާލެވޭނެ ކަމަށް އުންމީދު ކުރެވުނެވެ.
ބަނޑުހައިހޫނުކަމުގެ ކާރިސާއަކާ ޣައްޒާ ރައްޔިތުން ކުރިމަތިލާފައިވާއިރު، ބައިނަލްއަޤްވާމީ ޕްރެޝަރު ވަނީ އިތުރުވެފައެވެ.
އެކަމަކު މިސްރާއި ގަތަރުގެ މެދުވެރިންނަށް ވަނީ އިސްރާއީލުގެ ޖަލުތަކުގައި ބަންދުކޮށްފައި ތިބި ފަލަސްތީނުގެ މީހުންގެ ބަދަލުގައި އިސްރާއީލުގެ ރަހީނުން ހަމާސްއިން މިނިވަން ކުރާނެ އެއްބަސްވުމެއްގައި ސޮއިކުރުމަށް އުނދަގޫތަކެއް ކުރިމަތިވެފަ އެވެ.
އިސްރާއީލުން ޤާހިރާއަށް ވަފުދެއް ނުފޮނުވައި، ފުރަތަމަ ބޭނުންވަނީ އެ އެއްބަސްވުމުގެ ދަށުން ދޫކޮށްލެވޭނެ ރަހީނުންގެ ލިސްޓެއް ކަމަށް ބުނެފައެވެ.
ހަމާސް އިން ކުރި ޑިމާންޑުގެ ތެރޭގައި ގެދޮރު ގެއްލިފައިވާ ފަލަސްތީނުގެ ރައްޔިތުންނަށް އެމީހުންގެ ގެދޮރަށް އެނބުރި ދެވޭނެ ގޮތް ވުމާއި، ޣައްޒާގެ ސިޓީތަކުން އިސްރާއީލުގެ ސިފައިން ފޭބުން ހިމެނެއެވެ. ނަމަވެސް އިސްރާއީލުން މި ޑިމާންޑްތައް ގަބޫލެއް ނުކުރެއެވެ.
