ރައީސް ޑރ މުހައްމަދު މުއިއްޒުއަށް ވެރިކަން ލިބި ދެ އަހަރުވެއްޖެއެވެ. އެއަށްފަހު ދެން ވަމުންދާ ގޮތް ދިވެހިން އުޅޭ ކޮންމެ ރަށެއްގެ ހުރި ހޮޅު އަށިތަކުން އެހުރީ ލައިވް ވާށެވެ. މަންޒަރާ އަޑާ ކުލަ ވެސް އެހާ ސާފެވެ. ވެރިކަން ހޯދުމަށް ދެއްކި ވާހަކަތަކާއި އަދި ވެރިކަމުގައި ބަގުނޑި ބަނދެ ދައްކަމުން އަންނަ ވާހަކަތައް ވެސް ވަރަށް ސާފެވެ. ރައްޔިތުން މިއަދު ތިބީ އެމަންޒަރު ބަލާށެވެ. ނަަމަވެސް ބަރު ހިތަކައިގެންނެވެ.

ނުކުރާނެ ކަމަށް ބުނި ހުރިހާކަމެއް ކޮށް ނިންމައިފިއެވެ. ގައުމުގައި ރައްޔިތުންނަށް ބަލާޔާ މުސީބާތް އިންތިހާއަށެވެ. ކުރިން ގޯސްވި އެމްޑީޕީއަށް ވުރެ މިހާރު މާގޯސްކަމަށް ރައްޔިތުން ބުނެއެވެ. އަނގަޔާ އަތާ ދިމާނުވާ ވާހަކަ ގިސްލަމުން ރައްޔިތުން ދަނީ މާޔުސްކަމާ މޮޅިވެރިކަމުގެ ސާލު އޮޅައިގެން ތިބެއެބެ.

ގޮސް ރަގަޅު ކުރަން ގެނައި މީހުން ކުރީ ސަރުކާރު ކުރީ ސަރުކާރު ކިޔާލަ ކިޔާލަ ދައުރެއް މެދުން ބިންދަލައިފިޔޯލައެވެ. މިއީ ރަށު ތެރޭގައި ކިޔާ ވާހަކައެވެ. ވެރިމީހާ މަތިނުވާނެ ކަމަށް ބުނި ޑޮލަރުގެ އަގު ތިރިއަށް ޖެހިނުލާ އޮންނަތާ އަހަރަކަށް ވުރެވެސް ގިނަވީއެވެ.

އެކަމަށް ހައްލު ހޯދަން ފެށި ކަޅު ހަމާ ފެންތާނގީގެ ބަންކަރިންގ ވީހީސާބެއް ދެނަހުރި ބިރުބޮލް ވަޒީރެއްވެސް ނެތެވެ. 400 މިލިއަން ޑޮލަރު ދިޔައި މަތިންކަމެއް ނުވަތަ އަޑިން ކަމެއްވެސް އެނގޭނީ ހަމަ އެބަޔަކަށެވެ. ރައްޔިތަކަށް އެއިން ޑޮލަރެއް ނުލިބެއެވެ. ގައުމީ ހިސާބުތަކުން ދައްކާ ގޮތުގައި ފަތުރުވެރިން އަންނަ މިންވަރު މަދެއްނޫނެވެ. ގެސްޓު ހައުސް ވިޔަފާރިވެރިންނާ ރިސޯޓުތަކުންވެސް ގާނޫނު ބުނާ އަދަދަށް ޑޮލަރު މާރުވެސް ކުރެއެވެ. ނަމަވެސް އެމްޑީޕީ ވެރިކަމުގައި ބޮޑުވެގެން މިބައިމީހުން ދެފައި ތަޅާ ބޮޑާހޭކި ޑޮލަރުގެ އަގު ހަަމަ ލޯލާރިވެސް ތިރިއށް ޖެހިނުލާ ވީ މައްޗެވެ.

އެއާއެކު އިންފްލޭޝަން އުފުލި ރައްޔިތުންނަށް މިއަދު ކާބޯތަކެތި ގަތުން ވަނީ ތަކުލީފަކަށްވެފައެވެ. ހީވަނީ ބޮޑުތަދެއް އައިސް ރައްޔިތުންގެ އަތްމަތި ދަތިވިހެންނެވެ. ޑޮލަރުގެ އަގު ތިރިނުވެ ހުރިހާ ވިޔަފާރިވެރިންނަށް ވެސް އޭގެ ބުރަ ޖެހި އަގު ބޮޑުކޮށް ތަކެތި ވިއްކަން އެމީހުންނަށްވެސް މަޖްބޫރުވެއްޖެއެވެ.

ވެރިކަމުގެ ފެށުނު ކޮޅު ދެއްކި ވާހަކަތައް ދިޔައީ ޖަމަލުޖެހި ފޮޑި އަށެވެ. ލައްކަ ވާހަކަ ދެއްކި އެވެ. އެހުރީ ހާ ވާހަކައެއް ދިޔައީ ފަނުފުލުން ނެވެ. މައްޗައް ނާރާނެ ކަމަށް ބުނި އެތިވެސް ދިޔައީ މައްޗަށެވެ. ތިރިވާނެ ކަމަށް ބުނި ނަމަވެސް ތިރި ވެސް ނުވި އެވެ. ފަހުން ގޮތް ގޮތް ހަދައިގެން ވިޔަފާރިވެރިން ފެލައިގެން ވެސް ތިރިިއެއް ނުވި އެވެ. ދަނީ މައްޗަށެވެ. ދެރައެވެ. ކިތަންމެ ހާވެސް ދެރަ އެވެ. ކީހާ ޅެންތަކުން ފަރުވާ ނުލިބުނީ އެވެ. ވެރިކަން ލިބުމުން މުއިއްޒު ހިއްމައްޗަށް އެރި ފަދައިން ޑޮލަރުގެ އަގުވެސް ދިޔައީ އަދި ދަނީ ވެސް މައްޗަށެވެ. ތިމާގެ ހިތް ތިރި ނުވުމުން ޑޮލަރު ވެސް ތިރި ނުވެ ރައްޔިތުންގެ މުހުތާދުތައް ހިފެހެއްޓުނީއެވެ. ބޭސްފަރުވާއަށްދންވެސް ޑޮލަރު ހޯދަން ޖެހެނީ ހާލުންނެވެ. ސަރުކާރަށް ސަލާން ޖަހަން ޖައްސުވައިފިއެވެ.

ކަންކަން ހިނގަމުންދާ އުސޫލަށް ބަލާނަމަ ހިތުގައި އުފެދޭ އެއް ސުވާލަކީ ރައީސް މުއިއްޒުގެ އިކޮނޮމިސްޓުކަމުގައި ޑޮލަރުގެ އަގު ތިރި ވާނީ ދެން އަންނަ ޖީލަކަށްބާއެވެ؟