ދިވެހިރާއްޖެއަކީ ސައްތައިން ސައްތަ މުސްލިމު ގައުމެއްކަމުގައިވާއިރު މިގައުމުގެ ރައީސް ޑރ މުހައްމަދު މުއިއްޒަށް، އެމެރިކާ އަދި އިޒްރޭލު ގުޅިގެން އިރާނަށް ދިން އުދުވާނީ ހަމަލާ ކުށްވެރިކުރަން ނުކެރުނުއިރު، ނަސާރާދީނުގެ ފާދިރީއެއް ކަމަށް ޕޯޕް ލިއޯ (14) ވެސް އެ ހަމަލާ ކުށްވެރިކޮށްފިއެވެ.
ޕޯޕު ބުނެފައިވާ ގޮތުގައި، ދެވަނަ ބޮޑު ހަނގުރާމައަށް ފަހު އެކުލަވާލެވުނު ގާނޫނުތަކާއެކު ބާރުގެ ބޭނުންކޮށްގެން އެހެން ގައުމުތަކުގެ ބޯޑަރުތަކަށް ހަމަލާދިނުމަކީ ދަށު ދަރަޖައިގެ ވިސްނުމެއް ނުވަތަ އަމަލެއް ކަމަށެވެ. އެއީ ގާނޫނަށް ދެވޭ ބިރުވެރި އިނޒާރެއްގެ ގޮތުގައި ސިފަކޮށް ޕޯޕު ބުނެފައިވަނީ، އެ އަމަލަކީ މަސްލަހަތަށް ގެއްލޭ އަމަލެއް ކަމަށެވެ.
ޕޯޕު އެ ހަމަލާ އެފަދަ ގޮތަކަށް ސިފަކޮށް އެކަން ކުށްވެރިކޮށްފައިވާ ރާއްޖެ ފަދަ މުސްލިމު ގައުމަކުން އެ ހަމަލާކޮށް ސީދާ ބަހުން ކުށްވެރިކޮށް އިރާނުގެ ރައްޔިތުންނަށް ހަމްދަރުދީގެ މެސެޖެއްހާ މިންވަރުވެސް ފޮނުވާފައިނުވެއެވެ. ނަމަވެސް ރާއްޖޭގެ ރައީސް ޑރ މުހައްމަދު މުއިއްޒަކީ ވަރަށް ދީނީ ބޭފުޅެއްގެ ގޮތުގައި އެބޭފުޅާ ސަރުކާރުގެ ސިޔާސީ މީހުން ސިފަކުރާ ބޭފުޅެއް ކަން ފާހަގަކޮށްލެވެއެވެ.
