ބަރަކާތްތެރި ރަމަޟާން މަސް ފެށުނުއިރުވެސް ރައީސް އަބްދުﷲ ޔާމީން އަބްދުލްގައްޔޫމަށް އަދުގެ ސަރުކާރުން އިތުރު ލުއިތަކެއް ދެއްވާފައިނުވާކަން ހާމަވެއްޖެއެވެ.
ރައީސް ޔާމީނަށް ކުރީ ސަރުކާރުން އިއްވާފައިވާ ނުހައްގު ޖަލު ހުކުމުގެ ވާހަކަ އެންމެ ބޮޑަށް ދެއްކެވި ބަޔަކީ އަދުގެ ސަރުކާރުގެ އިސް ފަޑީގައި ތިއްބެވި ފަރާތްތަކެވެ. އެހެންނަމަވެސް މިއަދު ފެނިގެންދަނީ ތަފާތު މަންޒަރެކެވެ.
1445 ވަނަ އަހަރުގެ ރަމަޟާން މަސް ފެށުމުން ވެސް ރައީސް ޔާމީނަށް އިތުރު ލުއިތަކެއް ނުދެވުނުތާ އެމަނިުކުފާނުގެ ފަރާތްޕުޅުން ދިވެހިރާއްޖޭގެ ހައި ކޯޓަށް ހުށަހަޅާފައިވާ އިސްތިއުނާފް މައްސަލައިގެ ހުކުމް އިއްވުމުގެ އަޑުއެހުންވެސް ތާވަލްކޮށް އެމަނިކުފާނު މިނިވަންކުރައްވާފައިނުވެއެވެ.
ނިިމިދިޔަ ރޯދަ މަސްތަކުގައި ރައީސް ޔާމިން ނުހައްގުން ޖަލު ހުކުމެއް ތަންފީޒު ކުރައްވަމުން ގެންދިޔަ އިރު މި އަހަރުގެ ރޯދަ މަހުވެސް އެމަނިކުފާނަށް މިޖެހުނީ ހަމަ އެ އަނިޔާގައި އުޅުއްވަންކަން ފާހަގަކޮށްލެވެއެވެ.
ރައީސް ޔާމީންގެ އިސްތިއުނާފް މައްސަލައިގެ އަޑުއެހުމެއް ދިވެހިރާއްޖޭގެ ހައި ކޯޓްގައި އެންމެ ފަހުން ބާއްވާފައިވަނީ މިދިޔަ އަހަރުގެ ނޮވެމްބަރު މަހުގެ 21 ވަނަ ދުވަހުގައި ކަންވެސް ފާހަގަކޮށްލެވެއެވެ.
މަޖިލިސް އިންތިޚާބް ކުރިޔަށް އޮތް އިރު އޭގެ ކުރިން އެމަނިކުފާނު މިނިވަންކޮށްދެއްވުމަށް ގިނަ ފަރާތްތަކުން އަންނަނީ ގޮވާލަމުންނެވެ.
ރައީސް ޔާމިނަށް ލުއިތަކެއް ދެއްވާފައިވަނީ ނިމިދިޔަ ރައީސް އިބްރާހިމް މުހައްމަދު ޞާލިހްގެ ސަރުކާރުންކަންވެސް ފާހަގަކޮށްލެވެއެވެ.
