އެމެރިކާގެ ރައީސް ޑޮނަލްޑް ޓްރަމްޕްގެ އެޑްމިނިސްޓްރޭޝަނުން ގާތްގަނޑަކަށް 650 މިލިއަން ޑޮލަރުގެ އަގުހުރި 20،000 އަށް ވުރެ ގިނަ ބޮން އިސްރާއީލަށް ވިއްކުމަށް ރުހުން ދީފައިވާ ކަމަށް އެމެރިކާގެ އޮފިޝަލުން ބުނެފިއެވެ.
ސްޓޭޓް ޑިޕާޓްމަންޓުން ބުނީ ސެކްރެޓަރީ އޮފް ސްޓޭޓް މާކޯ ރޫބިއޯ ކުއްލި ހާލަތެއް އޮތް ކަމަށް ކަނޑައަޅައި، އާންމުކޮށް ކޮންގްރެސް ރިވިއު ކުރުމުގެ ގަވައިދު ދޫކޮށްލުމުގެ ފުރުސަތު އެޑްމިނިސްޓްރޭޝަނަށް ދީފައިވާ ކަމަށެވެ.
އެމެރިކާގެ އޮފިޝަލުން ވެސް ބުނެފައި ވަނީ ސީދާ ވިޔަފާރި ވިއްކުމުގެ ތެރެއިން އިސްރާއީލުން އިތުރު 298 މިލިއަން ޑޮލަރުގެ ވަޒަން ގަންނާނެ ކަމަށެވެ.
ޑިސެމްބަރު 2024 ގައި ޝާއިއުކުރި އދ.ގެ ރިޕޯޓެއްގައި ވާގޮތުން ފަލަސްތީނުގެ ބިމުގައި އިސްރާއީލުން ހިންގި ގަތުލު އާންމުގެ ހަނގުރާމައިގައި ޣައްޒާގެ އާބާދީ ބޮޑު ސަރަހައްދުތަކުގައި މިފަދަ ބަރު ވަޒަންތައް ބޭނުންކޮށްފައިވުން އެކަށީގެންވެއެވެ.
އީރާނުން ނިއުކްލިއާ ހަތިޔާރު ހޯދަން އުޅޭ ކަމުގެ ތުހުމަތުގައި އެމެރިކާއާއި އިސްރާއީލުން ގުޅިގެން ވަނީ އީރާނަށް ހަމަލާދޭން ފަށާފައެވެ. މި ހަމަލާތަކުގެ ސަބަބުން މެދުއިރުމަތީގެ ގިނަ ގައުމުތަކަށް ވަނީ އަސަރުކޮށްފައެވެ. މި ހަމަލާތަކުގެ ބަދަލު ހިފުމަށް އިރާނުން ވަނީ އެމެރިކާގެ ބޭސްތައް ހުންނަ މެދުއިރުމަތީގެ ގައުމުތަކަށް ހަމަލާދީފައެވެ. މިއާއެކު، އެ ސަރަހައްދުގައި ހިނގަމުންދާ ހަމަނުޖެހުން ދުނިޔޭގެ އެހެން ގައުމުތަކާ ހަމަޔަށް ފުޅާވެދާނެ ކަމުގެ ބިރު މިހާރު ވަނީ އިންތިހާއަށް ބޮޑުވެފައެވެ.
