ޖައްސަވާ "ޗައްކަރެއް" ކަމަށް ތުހުމަތުކުރައްވައި، އެކަމާ ދެކޮޅަށް ތެދުވުމަށް ޕީއެންއެފްގެ ނައިބު ރައީސް ޑރ. މުހައްމަދު ޖަމީލް އަހުމަދު ރައްޔިތުންނަށް އިލްތިމާސްކުރައްވައިފިއެވެ. ޑރ. ޖަމީލް ވިދާޅުވީ މުޅި ގައުމު "ދަވާލާކަމުގެ" ތުހުމަތު ރައީސް މުއިއްޒުގެ މައްޗަށް އެބައޮތް ކަމަށާއި، މި ރެފްރެންޑަމަށް ރައްޔިތުން ބޮޑުތަނުން "ނޫނެކޭ" ބުނަންޖެހޭ ކަމަށެވެ.
އެކްސްގައި ކުރެއްވި ޕޯސްޓެއްގައި ޑރ. ޖަމީލް ވިދާޅުވީ، ރައީސް މުއިއްޒު ކުރިން ވެވަޑައިގަތް ވައުދުތައް ނުފުއްދަވައި، ކުރިއަށް އޮތް ކައުންސިލް އިންތިޚާބަށް އާ ވައުދުތަކަކާއެކު ނުކުމެވަޑައިގަންނަވާއިރު، ރައްޔިތުން "ގުނބޯ" ހެއްދިޔަ ނުދިނުމަށް ސަމާލުވާންޖެހޭ ކަމަށެވެ. ވަކިވަކި ފަރުދުންނަށް ދިއްކޮށްލާ ފައިސާކޮޅަކަށް ސިޔާސީ އަގީދާ ބަދަލުކުރުމަކީ ގައުމު ކުރިއަށް ނުދާނެ ސަބަބެއް ކަމަށާއި، ދެކޮޅުނުޖެހޭ ވާހަކަތަކަށް އަތްޖެހުން ހުއްޓާލަންޖެހޭ ކަމަށްވެސް އެމަނިކުފާނު ފާހަގަކުރެއްވިއެވެ.
މީގެ އިތުރުން ޑރ. ޖަމީލް ވިދާޅުވީ، އެއްވެސް ގައުމެއްގެ ރައްޔިތުންނަކީ އަމިއްލަ ބުއްދި އިސްކޮށްގެން މަސައްކަތް ކޮށްގެން މެނުވީ ކުރިއެރުމެއް ލިބޭނެ ބައެއް ނޫން ކަމަށެވެ. ކީރިތި ގުރުއާނުގެ ވަޙީ ބަސްފުޅާ އެއްގޮތަށް ގައުމެއްގެ ހާލަތު ބަދަލުވާނީ އެ ބައެއްގެ އަމިއްލަ މަސައްކަތުންކަން ގަބޫލުކޮށް، ކުރިއަށް އޮތް ކައުންސިލް އިންތިޚާބުގައި ޕީއެންސީއަށް "ނޫނެކޭ" ބުނުމަށް އެމަނިކުފާނު ވަނީ އިލްތިމާސްކުރައްވާފައެވެ.
