އީރާނާ ދެކޮޅަށް ކުރަމުންދާ ހަނގުރާމައަށް އިނގިރޭސިވިލާތުން ނިއުކްލިއާ ސަބްމެރިންއެއް އަރަބި ކަނޑަށް ފޮނުވައިފިއެވެ.
ބްރިޓިޝް ނޫހެއް ކަމަށްވާ "ޑެއިލީ މެއިލް" އިން ރިޕޯޓްކޮށްފައިވާ ގޮތުގައި، މި ފިޔަވަޅަކީ އީރާނާއި އިސްރާއީލާ ދެމެދު އުފެދިފައިވާ ނުތަނަވަސްކަން ބޮޑުވެ، ހަމަލާ ބަދަލުކުރުމުގެ ބިރު ބޮޑުވުމާ ގުޅިގެން އެޅި ފިޔަވަޅެކެވެ. އިނގިރޭސިވިލާތުގެ މި ސަބްމެރިންއަކީ އެންމެ ޒަމާނީ ނިއުކްލިއާ ހަތިޔާރާއި މިސައިލް އުފުލުމުގެ ގާބިލުކަން ލިބިގެންވާ އުޅަނދެކެވެ.
މި ނިންމުމަކީ އީރާނުން އިސްރާއީލަށް ހަމަލާދީފާނެ ކަމުގެ އިންޒާރު ދީފައިވާ ދަނޑިވަޅެއްގައި، އިނގިރޭސިވިލާތުގެ އެކުވެރި ގައުމުތަކަށް އެހީތެރިވުމަށާއި އެ ސަރަހައްދުގެ ސަލާމަތްތެރިކަން ކަށަވަރު ކުރުމަށް އެޅި ފިޔަވަޅެއް ކަމަށް ރިޕޯޓުތައް ބުނެއެވެ.
މަސްރަހު ދިރާސާކުރާ ފަރާތްތަކުން ހާމަކުރާ ގޮތުގައި، އިނގިރޭސިވިލާތުގެ މި ސަބްމެރިން އަރަބި ކަނޑަށް ފޮނުވުމުގެ މައިގަނޑު ބޭނުމަކީ އީރާނުން ދީފާނެ ހަމަލާއަކުން ދިފާއުވުމާއި، މަސްރަހު އިތުރަށް ގޯސްވެއްޖެ ހާލަތެއްގައި ވަގުތުން ރައްދު ހަމަލާ ދިނުމެވެ.
މި ސަބްމެރިންއަކީ ދިގު މުއްދަތަކަށް ފެނުގެ އަޑީގައި އޮވެވޭ، އަދި ދުރު ރާސްތާގެ މިސައިލް ހަމަލާ ދިނުމުގެ ގާބިލުކަން ލިބިފައިވާ އުޅަނދެކެވެ. އިނގިރޭސިވިލާތުގެ މި ފިޔަވަޅާއެކު މެދުއިރުމަތީގެ މަސްރަހު އިތުރަށް ހޫނުވެ، ބޮޑު ހަނގުރާމައެއް ފެށިދާނެކަމުގެ ބިރު މިވަނީ ބޮޑުވެފައެވެ.
