މެދު އިރުމަތީގެ ހަނގުރާމައާ ގުޅިގެން ދިމާވެދާނެ ހާލަތަކަށް ތައްޔާރުވުމަށް ކަމަށް ހާމަކޮށް ރައީސް މުހައްމަދު މުއިއްޒު އުފެއްދެވި ކޮމިޓީ އޮތީ ބޮޑު ކާރިސާއެއްގެ ތެރޭގައި ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސް ޕޯސްޓެއްގައެވެ.
އިކޮނޮމިކު މުހައްމަދު ސައީދު ދައްކަވާފައި ހުރި ބައެއް ވާހަކަތައް ހިއްސާކުރައްވާ މަލީހު ވިދާޅުވެފައިވަނީ، ރައްޔިތުންނަށް މައުލޫމާތު ހިއްސާކުރަން ނޫސް ކޮންފަރެންސް ތަކަށް އަރަން ވެސް ޖެހެނީ އާދޭސް ކުރަން ކަމަށާ ރައްޔިތުންނާ މައުލޫމާތު ހިއްސާކުރަން އަރަން ވަޒީރުން ދެކޮޅު ހަދާ ޒިންމާއިން ރެކެން މަސައްކަތްކުރާ ކަމަށް ވެސް މަލީހު ވަނީ ވިދާޅުވެފައެވެ.
މަލީހު ވިދާޅުވެފައިވަނީ، ވަޒީރުންވެސް ނޫސް ކޮންފަރެންސްތަކަށް އަރަން ދެކޮޅު ހަދަނީ ވެސް ދައްކާނެ ސައްހަ ވާހަކަތަކެއް ވެސް ނެތުމުން ކަމަށެވެ.
