‏ޣައްޒާގައި ހުންނަ އދ.ގެ އެހީދޭ އެޖެންސީ (އަންރާ) ގެ މަރުކަޒަކަށް އިސްރާއީލުން ހަމަލާދީ 22 މީހުން ޒަޚަމް ކޮށްލައިފި‏އެވެ.

‎އިސްރާއީލުން ވަނީ ޣައްޒާގެ ރަފަހް އަވަށުގައި ހުންނަ އދ.ގެ އެހީ ޑިސްޓްރިބިއުޝަން ‏‏ސެންޓަރަށް ‎‎‏ހަމަލާދީފައެވެ. ‏

‏މި ހަމަލާގައި އެކަކު މަރުވެ 22 މީހުން ޒަޚަމްވެފައިވާ ކަމަށް ފަލަސްތީނުގެ ސިއްހީ އޮފިޝަލުން ވަނީ މައުލޫމާތު ދީފައެވެ.

‎‏އަލް ޖަޒިރާއިން ރިޕޯޓްކޮށްފައިވާ ގޮތުގައި އދ.ގެ ރިލީފް ސެންޓަރަށް ބޮޑެތި ގެއްލުންތަކެއް ލިބިފައިވާއިރު މިހާރުވެސް ‏‏ނުރައްކާތެރި ޙާލަތެއްގައި އޮތް އިންސާނީ މުހިންމު‏‎ ‎‎‏އޮޕަރޭޝަންތަކަށް ވަނީ ނުރައްކާވެފައެވެ. ‏

‏މިދިޔަ އޮކްޓޯބަރު މަހުގެ ހަތް ވަނަ ދުވަހުން ފެށިގެން އިސްރާއީލުން ދެމުންދާ ހަމަލާތަކުގައި މިހާތަނަށް ޣައްޒާގައި ފަލަސްތީނުގެ ‏‏31،000 އަށް ވުރެ ގިނަ މީހުން ޝަހީދުވެ 73،000 މީހުން ވަނީ ޒަހަމްވެފައެވެ‏. ‎

‎‏އިސްރާއިލުން ބުނަމުން ދަނީ މި ހަމަލާތަކަކީ ފަލަސްތީނުގެ އިސްލާމިކް ޖިހާދު ޖަމާއަތުގެ ހަނގުރާމަވެރިންނަށް އަމާޒުކޮށް ދިން ‏‏ހަމަލާތަކެއް‏‎ ‎‎‏ކަމަށާއި އެ ޖަމާއަތްތަކުން ދަނީ ބޯޑަރު ހުރަސްކޮށް ރޮކެޓް ހަމަލާތައް ދެމުން ކަމަށެވެ. ނަމަވެސް އިސްރާއީލުގެ ‏‏އަސްކަރީ ކެމްޕެއިންގެ‏‎ ‎‎‏ސަބަބުން އާންމުން ޝަހީދުވެ، މުހިންމު އުމްރާނީ ވަސީލަތްތަކަށް ލިބޭ ގެއްލުންތައް އދ އާއި އިންސާނީ ‏‏ހައްގުތަކަށް މަސައްކަތް ކުރާ‏‎ ‎‎‏ޖަމާއަތްތަކުން ދަނީ ތަކުރާރުކޮށް ކުށްވެރި ކުރަމުންނެވެ‏‎.‎