ރައީސް ޑރ މުހައްމަދު މުއިއްޒު ނިސްބަތްވާ "ހޮޅި އޮޑި" ފައްތާލުމަށް ފަހު އޮޑީގެ ފަޅުވެރިން ފުންމަންވީ ވަގުތު ޖެހިއްޖެ ކަމަށް ޕީއެންފެގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
ހޮނިހިރު ދުވަހު ބޭއްވި ތިން އިންތިހާބުންވެސް ސަރުކާރަށް ބޮޑުތަނުން ނާކާމިޔާބުވެފައިވާއިރު އެއީ ރައްޔިތުން، ދެ އަހަރާ ހަތް މަސްވީ މި ސަރުކާރާ މެދު ނުރުހިފައި ތިބި މިންވަރު ސާފުކޮށް ފެންނަން އޮތް ކަމެއް ކަމަށް ސިޔާސީ މުހައްލިލުން ބުނަމުންދެއެވެ.
ގައުމުގައި މިފަދަ ބޮޑު މަންޒަރެއް ފެންނަން ފަށާފައިވާ ދަނޑިވަޅެއްގައި މަލީހު އެކްސްގައި ކުރެއްވި މަޖާޒީ މާނަ އެކުލަވާލެވޭ ޕޯސްޓެއްގައި ވިދާޅުވެފައިވަނީ، މުއިއްޒުގެ އޮޑި ފައްތާ ފަޅުވެރިން އޮޑިން ފުންމާލަންވީ ވަގުތު ޖެހިއްޖެ ކަމަށެވެ.
މަލީހުގެ މަޖާޒީ މަނާ އެކުލެވޭ ޕޯސްޓެއް ކުރައްވާފައި މިވަނީ ސަރުކާރު ފެއިލްވެފައިވާ ކަމަށާ ރައީސް މުއިއްޒު އިސްތިއުފާ ދޭން ޖެހޭ ކަމަށް ގިނަ ބަޔަކު ބުނަމުންދާ ދަނޑިވަޅެއްގައެވެ.
