ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ޖަވާބެއް ނުލިބުމާއި ގުޅިގެން ދިވެހިރާއްޖެއިން އިސްރާއިލްގެ ފަތުރުވެރިން އެތެރެވިަ ނުދިނުމަށް އިސްރާއިލް ޕާސްޕޯޓުތައްބޭން ކުރުމަށް ހުށައަޅައިފައިވާ ޕެޓިޝަނަށް ގޮތެއް ނުނިންމި ތިބިކަން ހާމަވެއްޖެއެވެ.

ރައިޓް މޫވްމެންޓްގެ ފަރާޓުން ޗެނަލް 13 އަށް މައުލޫމާތު ދިން މެންބަރަކު ވިދާޅުވީ އެ ޕެޓިޝަން ވާނީ ރައްޔިތުންގެ މަޖިލހަށް ހުށަހަޅާފައި ކަމަށެވެ.

ނަމަވެސް އެ މައްސަލަ ކުރިޔަށް ނުގޮސް އޮތީ ރައީސުލްޖުމްހޫރިއްޔާގެ ޖަވާބެއް ނުލިބުމުން ކަމަށް މަޖިލިސް ތެރެއިން އެ މައުލޫމާތު ލިބިފައިވާކަމަށް އޭނާ ފާހަގަކުރިއެވެ.

އެ ޕެޓިޝަނާއި ގުޅިގެން ރައީސުލްޖުމްހޫރިއްޔާގެ ޖަވާބެއް ހޯދުމަށްޓަކައި އެމނަިކުފާނުގެ އޮފީހަށް ފޮނުވާފައިވާކަމަށް ބައެއް ނޫސްތަކުން ވަނީ ރިޕޯޓްކޮށްފައެވެ. އެހެން ނަމަވެސް އަދި މިހާތަނަށް މިކަމާއި ގުޅިގެން ވަކި ޖަވާބެއް ލިބިފައި ނުވާކަމަށް ވަނީ މައުލޫމާތުލިބިފައެވެ.

މަޖިލިސް ޗުއްޓީ އަށް ދާން ކައިރި ވުމުން މިކަން ނުނިމި އޮތުމުން ވެސް ގިނަ ބަޔަކު ވަނި ހިތްހަމަ ނުޖެހުން ފާޅުކޮށް މަޖިލިސް ބޭރުގައި އިހްތިޖާޖްކޮށްފައެވެ.

އޮކްޓޯބަރު މަހުގެ 7 ވަނަ ދުވަހުން ފެށިގެން އިސްރާއިލުން ފަލަސްތީނުގެ އަވަށެއް ކަމަށްވާ ޣައްޒާއަށް ދެމުންދާ ހަމަލާތަކާއި ދެކޮޅަށް ދިވެހިރާއްޖެއަށް އިސްރާއިލުގެ ފަތުރުވެރިން އައުން މަނާކުރުމަށް ރައިޓް މޫވްމެންޓްގެ ފަރާތުން ވަނީ ޕެޓިޝަނެއް ހުށައަޅާފައެވެ.