އެމެރިކާގެ ކަނޑުގެ ސިފައިން ހިންގަމުންދާ ވަރުގަދަ ބްލޮކޭޑް ނުވަތަ ކަނޑުގެ މަގުތައް ބަންދުކުރުމުގެ ސިޔާސަތު ފެއިލްކޮށްލުމަށްޓަކައި، ޕާކިސްތާނުން އީރާނަށް އެހީތެރިކަން ފޯރުކޮށްދޭން ފަށައިފިއެވެ. ޕާކިސްތާނުގެ މަޝްހޫރު ނޫހެއް ކަމަށްވާ "ޑޯން" އިން ރިޕޯޓްކޮށްފައިވާ ގޮތުގައި، މި ފިޔަވަޅުގެ ދަށުން ކަނޑުމަގުން ތާށިވެފައި ހުރި އެތައް ހާސް ކޮންޓެއިނަރެއް އީރާނަށް ފޮނުވުމަށްޓަކައި ޕާކިސްތާނުން ވަނީ އެއްގަމު މަގުގެ އާ ރޫޓުތަކެއް ހުޅުވާލާފައެވެ.
މި ނިންމުމަކީ އެމެރިކާގެ ރައީސް ޑޮނަލްޑް ޓްރަމްޕްގެ ދައުރުގައި އަޅާފައިވާ ބިލިއަން ޑޮލަރުގެ އަގުހުރި ދަތިކުރުމުގެ ފިޔަވަޅުތަކުން ސަލާމަތްވުމަށް އީރާނަށް ލިބުނު ބޮޑު ކުރިއެރުމެކެވެ. މިއާއެކު، އަވަށްޓެރި ގައުމުތަކުން "ބެކްޑޯ" ނުވަތަ ނުސީދާ މަގުތަކުން އެހީތެރިކަން ފޯރުކޮށްދޭން ތިބި ނަމަ، އެމެރިކާގެ މިފަދަ ބްލޮކޭޑްތަކަކީ އެއްވެސް އަމަލީ ނަތީޖާއެއް ނުނެރެވޭނެ ބޭކާރު ކަންތައްތަކެއްގެ ގޮތުގައި މިހާރު ވަނީ ބެލެވިފައެވެ.
މި އާ މަގުތަކުގެ ސަބަބުން އީރާނުގެ އިގްތިސާދަށް ބޮޑު ލުޔެއް ލިބި، ބައިނަލްއަގުވާމީ ވިޔަފާރީގައި ކުރިމަތިވެފައިވާ ހުރަސްތައް ގިރާކުރުމަށް މަގުފަހިވެގެންދާނެއެވެ. ޕާކިސްތާނާއި އީރާނުން މިވަނީ ބައިނަލްއަގުވާމީ ފިއްތުންތަކާ ދެކޮޅަށް ސަރަހައްދީ ގުޅުން ވަރުގަދަކޮށް، އިގްތިސާދީ ދެމެހެއްޓެނިވިކަން ކަށަވަރުކުރުމަށް ހީވާގިކަމާއެކު މަސައްކަތް ފަށާފައެވެ.
