އިންސާފަކީ ބަހުގައި ކިތަންމެ ކުޑަ ކުޑަ އެއްޗަކަށް ވީނަމަވެސް ހަގީގަތުގައި ބޮޑު އެއްޗެކެވެ. އިންސާފު ނުލިބި އެތައް ބައެއް މި ދުނިޔޭގައި އުޅޭއިރު މި ކުޑަ ކުޑަ ދިވެހިރާއްޖޭގައިވެސް ގިނައީ އިންސާފަށް ރޯލަ ރޯލާ ތިބޭ ފަރާތްތަކެވެ.

ކޯޓް ތަކުގައި ތާވަލް ކުރެވިގެން ކުރިޔަށް ގެންދާ މައްސަލަތަކުގެ އަޑުއެހުންތައް ތާވަލް ނުކޮށްގެންވެސް ގިނަ ފަރާތްތަކަށް އިންސާފް ނުލިބި އެތައް ދުވަހެއް އެފަރާތްތަކުގެ ހަޔާތުން ބޭކާރުވެއެވެ.

އިނަސެންޓް އަންޓިލް ޕްރޫވަން ގިލްޓީ އޭ ކިޔާކަން އެނގެއެވެ. ނަމަވެސް މިތަނުގެ ކޯޓުތަކުގެ އަމަލުތައް ހުންނަ ގޮތުން ބޮޑަަށް ގުޅެނީ ގިލްޓީ އަންޓިލް ޕްރޫވަން އިނަސެންޓް ކަންނޭނގެއެވެ.

ރާއްޖޭގެ ކޯޓުތަކުގައި ތިއްބަވާ ގިނަ ފަނޑިޔާރުންނަކީ ފައިސާއަށް ގޮސް ވިކިފައި ތިބޭ ބަޔެކޭ ބުންޔަސް ދޮގަކަށްވެ ނުދާނެއެވެ. ކުށް ސާބިތު ނުވާ ފަރާތެއްގެ މައްޗައް ކުށް ސާބިތު ކުރުމަށް އެމީހުން ފައިސާގެ ނަމުގައި ކޮންމެ ފަދަ ކަމެއްވެސް ކުރާނެކަން ޔަގީނެވެ. ގާނޫނީ ހުވާކޮށްގެން ރިޝްވަތު ނަންގަވަން ހަމަ ހަޔާތް ކުޑައީއެވެ.

އާދެ! މިސާލެއްގެ ގޮތުގައި މިއަދު އަޅުގަނޑު ނަގާނީ ރައީސް އަބްދުﷲ ޔާމީން އަބްދުލްގައްޔޫމްގެ ފަރާތްޕުޅުން ދިވެހިރާއްޖޭގެ ހައި ކޯޓަށް ހުށަހަޅާފައިވާ އިސްތިއުނާފް މައްސަލައިގެ ވާހަކައެވެ.

2022 ވަނަ އަހަރު ދިވެހިރާއްޖޭގެ ކްރިމިނަލް ކޯޓުން އެމަނިކުފާނަށް 11 އަހަރުގެ ޖަލު ހުކުމެއް އިއްވުމުން އެ ހުކުމަކީ ގަބޫލު ނުކުރެވޭނެ އެއްޗެއްކަމުންނާ އެމަނިކުފާނަކީ މައުޞޫމް ބޭފުޅެއްކަމުން އެމަނިކުފާނުވަނީ މައްސަަލަ އިސްތިއުނާފް ކުރަން ހުށަހަޅާފައެވެ. އިސްތިއުނާފް ކުރުމަކީ ވެސް އެއީއެވެ.

އަޑުއެހުންތައް ހައި ކޯޓްގައި ފެށި ނިމިއްޖެއެވެ. ނިމިފައިވަނީ 2023 ވަނަ އަހަރުގެ ނޮވެމްބަރު މަހުގެ 21 ވަނަ ދުވަހުއެވެ. އެ ދުވަހު ފަނޑިޔާރުންގެ ބެންޗުން ވަނީ ދެން އޮންނާނީ ހުކުމް އިއްވުމުގެ އަޑުއެހުންކަމަށް އިއުލާން ކުރައްވާފައެވެ.

އަޑުއެހުންތައް ތާވަލް ނުކުރެވިވެސް އެތައް ދުވަހެއްފަހުން އަޑުއެހުނަތައް ނިމުނުއިރު ތާވަލް ނުކުރެވި ލަސްވީ ކުރީ ސަރުކާރުގެ އެންގުމުގެ ދަށުން ފަނޑިޔާރުން ޗުއްޓީ ނަންގަވައިގެން ދުވަސްތައް ބޭކާރުކޮށްލުމުންނެވެ.

އާދެ. މިހާރުދެން މިއޮތީ ރައީސް އަބްދުﷲ ޔާމީން އަބްދުލްގައްޔޫމްގެ ފޮޓޯ ފުޅާ އެމަނިކުފާނުގެ ހުސްގޮނޑި ދައްކައިގެން އެމަނިކުފާނުގެ ތަރައްގީ ވިއްކައިގެން އައިސް އޮތް ސަރުކާރެކެވެ. މިއަދު ސަރުކާރުގެ އިސް ފަޑީގައި ތިއްބެވި ފަރާތްތަކީ އޭރު ރައީސް ޔާމިނަށް އިންސާފު ހޯދާދިނުމަށް އަޑުހަރުކޮށް ގޮވާލާ އެބޭފުޅުންގެ ވެރިކަމުގައި އެމަނިކުފާނު މިނިވަންކުރައްވާނެކަމަށް ވިދާޅުވި ބޭފުޅުންނެވެ. ރައީސް ޔާމީން އަދިވެސް ހުންނެވީ ނުހައްގު ޖަލު ހުކުމެއްގައެވެ. ކީއްެވެހެއްެޔެވެ؟ ހުކުމް އިއްވުމުގެ އަޑުއެހުން ހައި ކޯޓުން ތާވަލް ނުކޮށްގެންނެވެ.

ވެރިކަމަށް އައުމަށްފަހު ދިވެހިރާއްޖޭގެ ޝަރުއީ ނިޒާމް މިއޮތީ މިނިވަންވެފައިކަމަށް އަދުގެ ރައީސް ވިދާޅުވިއިރު، މިނިވަންވެފައިވާ ޝަރުޢީ ނިޒާމުގެ ދަށުން ގައުމަށް އެތައް ހިދުމަތްތަކެއްކޮށްދެއްވާފައިވާ ފަރާތަކަށް އިންސާފު ނުލިބި ލަސްވަމުން މިދަނީ ޝަރުއީ ނިޒާމަށް ނުފޫޒެއް ނެތީމާތޯއެވެ. މިއީ އުފެދޭ ސުވާލުތަކެކެވެ.

އެމަނިކުފާނަށް އިންސާފު ނުލިބި ލަސްވާތީ އެމަނިކުފާނުގެ އާއިލާއިން އަދި އެމަނިކުފާނުގެ ގާނޫނީ ވަކީލުން ހައި ކޯޓްގައި މައްސަލައިގެ ހުކުމް އިއްވުން އޮންނާނެ ދުވަހެއް އަހަމުން އަންނައިރު ހައި ކޯޓުން ކޮންމެ ފަހަރަކު ވެސް ދޭ ޖަވާބުން އެބޭފުޅުންގެ މޫނުމަތި މާޔޫސްކޮށްލައެވެ. ހައި ކޯޓުން ބުނާގޮތުން ނަމަ އަދި ލަހެއް ނުވެއެވެ.

ރައީސް ޔާމީނަށް އިންސާފު ހޯދައިދޭން ލަސްނުވާކަމަށް ބުނެ ހައި ކޯޓްގެ ވެރިން އުޅެނީ ޖަސްޓިސް ޑޭ ފާހަގަކުރަންށެވެ. ދެން ކީކޭ ހެއްޔެވެ ބުނާނީ. ލަދުން ހަލާކެވެ.

މުސްތަގްބަލްގައި ގާނޫނު ކިޔަވަން ތިބޭ ކުދިންނަށް ނަމޫނާ ދައްކަންޖެހޭ ބަޔަކު މިއުޅެނީ ނާޗަރަންގީ ކުޅުމުގައި އަވަދިނެތިއެވެ.

ރާއްޖޭގެ ޝަރުއީ ނިޒާމު މިއޮތީ މިފަދައިންނެވެ.