ފެންނަމުން ދަނީ މީގެ ކުރިން ދިވެހި ފުލުހުން އަމަލުނުކުރާ ފަދަ ގޮތަކަށް އަމަލުކުރަމުންދާ މަންޒަރު ކަމަށް ކުރީގެ ނައިބު ރައީސް ޑރ މުހައްމަދު ޖަމީލު އަހުަމދު ވިދާޅުވެއްޖެއެވެ.
ޑރ ޖަމީލު މިފަދައިން ވިދާޅުވެފައިވަނީ، އެކްސްގައި ކުރެއްވި ޕޯސްޓެއްގައެވެ.
އެގޮތުން ރައީސް އޮފީހުގެ ކުރިގެ މުވައްޒަފު، އައިޝަތު އީޝާ އަޝްރަފު ފުލުހަށް ހާޒިރުކުރުމަށް ފަހު ދިފާއުގައި ވާހަކަ ދައްކަން ފުރުސަތު ނުދިން ނުދިނުމަށް އިޝާރާތްކުރައްވާ ޑރ ޖަމީލު ވިދާޅުވީ، ރައީސުލްޖުމްހޫރިއްޔާގެ އޮފީހުގެ ކުރީގެ މުވައްޒަފަކާ ގުޅުން ހިންގި ކަމަށް ތުހުމަތު ކުރެވޭ ޖިނާއީ ތަހުގީގެއް މީގެ ކުރިން ނުފެންނަ ވަރުގެ ޖިނާއީ ތަހުގީގެއް ފަށާފައިވާއިރު، އީޝާ ފުލުހުން ސުވާލުތަކަށް ހާޒިރުކޮށްފައި ވަނީ ގަޒްފްއާ ބެހޭ އިސްލާމީ އަދަބުވެރި މާއްދާގެ ދަށުން، ޒިނޭގެ ތުހުމަތުތަކާ ގުޅިގެން ކަމަށެވެ.
އެގޮތުން ބަލާއިރު، ފުލުހުން ވަނީ އެތަނާ ކައިރިއަށް ފޮޓޯގްރާފަރުންނަށް ވެސް ނުވަދެވޭ ގޮތަށް މަސައްކަތްކޮށްފައި ފާހަގަކުރައްވާ ޑރ ޖަމީލު ވިދާޅުވީ ބެލެވޭ ގޮތުގައި އެއީ އީޝާގެ ތަސްވީރުތައް އާންމުވާނެތީ ބިރުގަނެ، ތުހުމަތު ކުރެވޭ ކުށަކީ ކާކުގެ މައްޗަށް ކުރާ ތުހުމަތެއްކަން ހާމަވިޔަ ނުދިނުމަށް އެޅި ފިޔަވަޅުތަކެކެވެ.
އީޝާއަށް އޭނާގެ ދިފާއުގައި ވާހަކަ ދައްކަން ފުރުސަތު ދިނުމަށް ވެސް ދެކޮޅު ހެދިކަން ފާހަގަކުރައްވާ ޑރ ޖަމީލު ވަނީ އެއީ ރައީސް ޑރ މުހައްމަދު މުއިއްޒުގެ ނަން ހިމާޔަތް ކުރުމަށް ކުރާ މަސައްކަތެއްގެ ގޮތުގައި ފެންނަ ކަަމަށާ ފުލުހުން މިފަދަ އަމަލެއް ހިންގަނީ މީގެ ކުރިން އަމަލު ނުކުރާ ގޮތަކަށް ކަމަށްވެސް ވިދާޅުވެފައެވެ.
