ރޯދަ މަހާ ދިމާކޮށް އިސްލާމިކު މިނިސްޓްރީއިން އިސް ނަގައިގެން ދީނީ ހޭލުންތެރިކަން އިތުރުކުރުމަށް ގިނަ ޕްރޮގްރާމުތަކެއް ގެންނަން ފަށައިފިއެވެ.

މިކަން ހާމަކުރައްވާފައިވަނީ އިސްލާމިކު މިނިސްޓަރު ޑރ. މުހައްމަދު ޝަހީމު އަލީ ސައީދު އެ މިނިސްޓްރީގެ މަސައްކަތަކާ ގުޅިގެން ދެއްވި އަދާހަމަ ވީޑިއޯ އިންޓަރވިއުއެއްގައެވެ.

ޑރ. ޝަހީމު ވިދާޅުވި ގޮތުގައި ޕްރޮގްރާމުތައް ސީދާ މިނިސްޓްރީގެ ބެލުމުގެ ދަށުން މިނިސްޓްރީއިން ތައްޔާރުކޮށް، އެކި އެކި މީޑިއަމްތަކަށް ހަވާލުކުރާ ކަމަށާ މިހާރުވެސް އެގޮތުގެ މަތިން ބައެއް ޕްރޮގްރާމުތައް ގެެނެސްދީފައިވާނެ ކަމަށެވެ.

ޑރ. ޝަހީމު ވިދާޅުވި ގޮތުގައި އިސްލާމިކު މިނިސްޓްރީއިން އިސް ނަގައިގެން މިފަދަ މަސައްކަތެއް ފަށްޓަވާފައިވަނީ ގައުމުގައި އޮތް ދީނީ އެއްބައިވަންތަކަމަށް އިތުރު ބުރަދަން ހޯދައި ދިނުމަށާ ދިވެހިންގެ ތެރެއިން ދީނީ ހޭލުންތެރިކަން އިތުރުކުރަން ބޭނުންވާ ފަރާތްތަކަށްވެސް އެ ފުރުސަތު ހޯދައިދިނުމުގެ ގޮތުންނެވެ.

ޑރ. ޝަހީމު ވިދާޅުވީ އިންތިޒާމު ކުރި ގޮތާ އެއް ގޮތަށް ތަރުތީބުން ހުރިހާ ކަމެއްވެސް ކުރިއަށް ދާ ކަމަށެވެ.

މީގެ އިތުރުން އިސްލާމިކު މިނިސްޓްރީއިން އަބަދުވެސް މަސައްކަތްކުރާނީ ރާއްޖޭގެ ދީނީ ވަހުދަތު ދެމެހެއްޓުމަށް ކަމަށެވެ. އެ ޔަގީންކަން މިނިސްޓްރީއާ ދޭތެރޭ ރައްޔިތުން ބާއްވަން ޖެހޭނެ ކަމަށް ވެސް ޑރ. ޝަހީމު ވަނީ ވިދާޅުވެފައެވެ.