އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ދެކުނު ކޮރެއާއަށް ވަޑައިގެންފިނަމަ، އެގައުމުން އޭނާ ހައްޔަރުކުރުމާ މެދު ވިސްނާނެ ކަމަށް ދެކުނު ކޮރެއާގެ ރައީސް ވިދާޅުވެއްޖެއެވެ. މިއީ ބައިނަލްއަގުވާމީ މައިދާނުގައި ނަތަންޔާހޫއަށް ކުރިމަތިވަމުންދާ ފިއްތުންތަކުގެ ތެރެއިން ދެކުނު ކޮރެއާއިން އެޅި ހަރުކަށި ފިޔަވަޅެކެވެ.
ދެކުނު ކޮރެއާގެ ރައީސް މިހެން ވިދާޅުވީ ނަތަންޔާހޫގެ ސަރުކާރުން ހިންގަމުންދާ އަމަލުތަކާ ގުޅިގެން ބައިނަލްއަގުވާމީ ގޮތުން އުފެދިފައިވާ ކަންބޮޑުވުންތަކަށް އިޝާރާތް ކުރައްވަމުންނެވެ. "ނަތަންޔާހޫ ދެކުނު ކޮރެއާއަށް ވަދެއްޖެނަމަ އޭނާ ހައްޔަރު ކުރުމަށް ވިސްނާނަން" ރައީސް ވިދާޅުވިއެވެ.
މި އިންޒާރަކީ އިސްރާއީލުގެ ސިޔާސަތުތަކާއި، ހާއްސަކޮށް ނަތަންޔާހޫގެ ލީޑަޝިޕާ މެދު ދުނިޔޭގެ ގައުމުތަކުން ދެކޭ ގޮތް ބަދަލުވަމުންދާ ކަމުގެ ހެއްކެކެވެ. ދެކުނު ކޮރެއާ ފަދަ ގައުމަކުން މިފަދަ ބަޔާނެއް ނެރުމަކީ ނަތަންޔާހޫގެ ހާރިޖީ ގުޅުންތަކަށް އެޅޭ ވަރަށް ބޮޑު ހުރަހެކެވެ.
ބައިނަލްއަގުވާމީ ގާނޫނުތަކަށް އިހުތިރާމް ކުރުމުގެ ގޮތުންނާއި، އިންސާނީ ހައްގުތަކަށް އަރައިގަތުމުގެ ތުހުމަތުތަކާ ގުޅިގެން ނަތަންޔާހޫއަށް މިހާރު ވަނީ ދުނިޔޭގެ އެކި ކަންކޮޅުތަކުން ފާޑުކިޔުން އަމާޒުވެފައެވެ. ދެކުނު ކޮރެއާގެ މި ނިންމުމަކީ ނަތަންޔާހޫގެ ސަރުކާރަށް ލިބުނު ބޮޑު ސިހުމެއް ކަމަށް މަސްރަހު ދިރާސާކުރާ ފަރާތްތަކުން ބުނެއެވެ.
