އީރާނާއި އެމެރިކާއާ ދެމެދު ސުލްހައިގެ އާ އެއްބަސްވުމެއްގައި ސޮއިކުރިތާ 24 ގަޑިއިރުވެސް ނުވަނީސް، އިސްރާއީލުން ލުބުނާނަށް ހަމަލާތަކެއް ދޭން ފަށައިފިއެވެ. އިސްރާއީލުގެ މި އަމަލާއެކު، އަލަށް އެކުލަވާލި ސުލްހައިގެ އެއްބަސްވުމަށް ވަނީ ބޮޑެތި ހުރަސްތަކެއް ކުރިމަތިވެފައެވެ.
އިސްރާއީލުން މި ހަމަލާތައް ދޭން ފަށާފައިވަނީ ސުލްހައިގެ އެއްބަސްވުމަށް އެއްވެސް އިހުތިރާމެއް ނެތިކަން ހާމަކުރަމުންނެވެ. މީގެ އިތުރުން، އިސްރާއީލުން ދަނީ މި މައްސަލާގައި އެމެރިކާއަށްވެސް ބަހުގެ ހަމަލާތައް އަމާޒުކުރަމުންނެވެ.
މި ހަމަލާތަކާ ގުޅިގެން އީރާނުން ވަނީ ވަރުގަދަ ފިޔަވަޅުތަކެއް އަޅާފައެވެ. އެގޮތުން، ކުރިން އެއްބަސްވެފައިވާ 60 ދުވަހުގެ މުއާމަލާތްތައް މިހާރު މެދުކަނޑާލާފައިވާ ކަމަށް އީރާނުން ވަނީ އިއުލާނުކޮށްފައެވެ. އީރާނުގެ ސަރުކާރުން ބުނެފައިވަނީ އިސްރާއީލުން ލުބުނާނަށް ދެމުންދާ ހަމަލާތައް އެއްކޮށް ހުއްޓާލައިފުމަށް ދާންދެން، އެއްބަސްވުމުގެ ދަށުން އީރާނުން ފުރިހަމަކުރަންޖެހޭ އެއްވެސް ކޮމިޓްމަންޓެއް ތަންފީޒު ނުކުރާނެ ކަމަށެވެ.
މި ނުތަނަވަސްކަމާ ގުޅިގެން، އީރާނުގެ އިސްވެރިންނާއި އެމެރިކާގެ ނައިބު ރައީސް ޖޭޑީ ވެންސް ސްވިޒަލޭންޑަށް ކުރައްވަން އޮތް ދަތުރުފުޅުތައްވެސް ވަނީ ކެންސަލް ކުރައްވާފައެވެ.
މަސްރަހު ދިރާސާކުރާ ފަރާތްތަކުން ބުނާ ގޮތުގައި، އިސްރާއީލުގެ މި އަމަލަކީ މުޅި ސަރަހައްދުގެ ސުލްހަ ނަގާލުމަށް ގަސްތުގައި ހިންގި އަމަލެކެވެ. ސުލްހައިގެ އެއްބަސްވުމެއްގައި ސޮއިކުރިތާ އެންމެ ދުވަހެއްވެސް ނުވަނީސް އިސްރާއީލުން މިފަދަ ބޮޑު ހަމަލާއެއް ދިނުމަކީ ބައިނަލްއަގުވާމީ މުޖުތަމައުން ކަންބޮޑުވުން ފާޅުކުރަމުންދާ ކަމެކެވެ.
