20 ވަނަ ރައްޔިތުންގެ މަޖިލީހުގެ އިންތިހާބުގައި މެޖޯރިޓީ ސަރުކާރުގެ ކެންޑިޑޭޓުންނަށް ދީފިނަމަ ރައްޔިތުން އިތުރު ގިނަ ތަކުލީފުތަކާ ކުރިމަތިލާންޖެހޭނެކަމަށް ރައީސް އަބްދުﷲ ޔާމީން އަބްދުލްގައްޔޫމްގެ އިސް ގާނޫނީ ވަކީލް ޑރ. މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޑރ.ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
ސަރުކާރަށް މެޖޯރިޓީ ދީފިނަމަ ސަރުކާރުން ކުރާ ބޭކާރު ހަރަދުގެ ނިސްބަތް އިތުރުވެ އުފުލިގެން ދާނެކަމަށާއި މި ސަރުކާރުން ގާނޫނަށް ބޯ ނުލަނބާނެކަމަށް ވެސް ޑރ ޖަމީލް ވަނީ ޕޯސްޓްގައި ވިދާޅުވެފައެވެ.
އަދި ފަތުރުވެރިކަމުގެ ސިނާއަތުން ޓެކްސް ބޮޑުކުރާނެ ކަމަށާއި ޖުމުލަކޮށް ރައްޔިތުންގެ ފަގީރުކަން އިތުރުވާނެކަމަށް ވެސް ޑރ..ޖަމީލްގެ ޕޯސްޓްގައި ވަނީ ފާހަގަކުރައްވާފައެވެ.
އެއާއިއެކު ރައްޔިތުންނަށް އިތުރު ތަކުލީފު މި ސަރުކާރުން ޖައްސާނެކަމަށް ވެސް ޑރ.ޖަމީލް ވަނީ ވިދާޅުވެފައެވެ.
ފާހަގަކޮށްލެވޭ ގޮތުގައި މި ސަރުކާރުން އެންމެ ބޮޑެތި ޚަރަދުތައް ކުރަނީ މުވައްޒަފުންނަށް މުސާރަ ދިނުމުގައެވެ.
މުސާރައަށް ބޮޑު ހޭދައެެއް ކުރަން ޖެހުމުގެ ސަބަބުން ސަރުކާރުން ވަނީ ތަރައްގީގެ މަޝްރޫއުތަކަށް ކުރާ ޚަރަދު ކުޑަކޮށްފައެވެ.
