ޣައްޒާ ދެ ބަޔަކަށް ބަހާލައިގެން، އިޒްރޭލުގެ އަސްކަރިއްޔާއިން މަގެއް ހަދަމުންދާކަން ހާމަވެއްޖެއެވެ.
އެގޮތުން އިޒްރޭލުން ޣައްޒާ ދެބަޔަކަށް ބަހާލާއިގެން ހަދަމުންދާ އެ މަގު، މެޑިޓަރޭނިއަން އައްސޭރިފަށަށް ގޮސްފައިވާ ސެޓެލައިޓު ފޮޓޯތަކެއް ވަނީ އާންމުވެފައެވެ.
ސެޓެލައިޓް ފޮޓޯއިން ފެންނަ ގޮތުގައި ހަފުތާތަކެއް ވަންދެން ހަދަމުން އަންނަ އިރުމަތީ ހުޅަނގު މަގު މިހާރު ޣައްޒާ-އިސްރާއީލުގެ ބޯޑަރު ސަރަހައްދުން ފެށިގެން ގާތްގަނޑަކަށް 6.5 ކިލޯމީޓަރު ފުޅާ (ގާތްގަނޑަކަށް 4 މޭލު ފުޅާ) ސަރަހައްދެއް ހުރަސްކޮށް، ޣައްޒާ ސިޓީގެ ދެކުނުން ހިމެނޭ ގޮތަށް ޣައްޒާގެ އުތުރުގެ ސަރަހައްދުތައް ވަކި ކޮށްލައެވެ. މި މަގުގެ ގާތްގަނޑަކަށް 2 ކިލޯމީޓަރު (1.2 މޭލު) ގައި މިހާރުވެސް އޮތް މަގަކަށް ވާއިރު، ބާކީ ހަދަމުންދަނީ މުޅިން އާމަގެއްކަމަށް މީޑިއާތަކުން ރިޕޯޓު ކޮށްފައި ވެއެވެ.
މާޗް މަހުގެ ހަވަނަ ދުވަހު ނަގާފައިވާ މި ފޮޓޯތަކާ ގުޅޭގޮތުން އިޒްރޭލުގެ އޮފިޝަލުން ބުނެފައިވަނީ މިއީ ކުރިއަށް އޮތް މަސްތަކަށާއި އެތައް އަހަރެއް ވަންދެން އެ ސަރަހައްދު ކޮންޓްރޯލް ކުރުމުގެ ސަލާމަތީ ޕްލޭންގެ ދަށުން ކުރިއަށް ގެންދާ މަސައްކަތެއް ކަމަށެވެ.
