ސަރުކާރާ މެދު ހިތްހަަމަ ނުޖެހުން ފާޅުކުރުމުން، މުޅި ސަރުކާރު ޑިފެންސަށް ކުޅެމުންދާ ދިއުމުން ސަރުކާރު ނޭވާ ހޮޅިއަށް އެޅިފައިވާ މިންވަރު ހާމަވާ ކަމަށް ރައްޔިތުންގެ މަޖިލީހުގައި ޕީއެންއެފް ޓިކެޓުގައި ހިތާދޫ ދާއިރާއަށް ވާދަކުރާ ކެންޑިޑޭޓު، ޝަރީފާ ސައީދު ވިދާޅުވެއްޖެއެވެ.
ކެންޑިޑޭޓުންގެ ސިޔާސަތުތައް ހާމަކުރުމަށް ދަ ފްރޮންޓު އޮފީހުގައި ބާއްވަމުން ގެންދާ ޖަލްސާތަކުގެ ތެރެއިން އާދިއެްތަ ދުވަހުގެ ރޭ ބޭއްވި ޖަލްސާގައި ވާހަކަ ދައްކަވަމުން ޝަރީފާ ވިދާޅުވީ، ސަރުކާރަކާ ރައީސެއްގެ ޒިންމާއަކީ ރައްޔިތުންގެ ކަންބޮޑުވުން އަޑު އަހައި އެކަންބޮޑުވުންތަކަށް ހައްލު ހޯދައިދިނުން ކަމުގައި ވީ ނަމަވެސް މި ސަރުކާރާ ސަރުކާރުގެ ވެރިންގެ ކިބައިން ފެނިގެން ދަނީ ޖަދަލުކުރަމުން ދާ މަންޒަރު ކަމަށެވެ.
ރައީސް މުއިއްޒު ދައްކަވަމުން ގެންދަނީ ހުތުރު މިސާލެއް. ރައީސް މީހާއަކީ ކެތްެރިކަމުުގެ ނަމޫނާއަކަށް ވާން ޖެހޭނެ. ނަމަވެސް ރައީސް މުއިއްޒު ގެންދަވަނީ ރައްޔިތުންނާ ޖަދަލުކުރަމުން.
ޝަރީފާ
ޝަރީފާ މިފަދައިން ވިދާޅުވެފައިވަނީ ސަރުކާރުގެ ތެރެއިން ހިންގަމުން ގެންދާ ޖަރީމާތައް ހާމަވަމުންދާތީ މުޅި ސަރުކާރު ގެންދަނީ އެކަން ދިފާއުކޮށް މިނިސްޓަރުންގެ ފެންވަރުން ފެށިގެން ސޯޝަލް މީޑިޔާގައި ޕޯސްޓުކުރަމުންދާ ދަނޑިވަޅެއްގައެވެ.
