އޭޕްރީލް މަހު ސަރުކާރު އޮފީސްތައް އާންމު އުސޫލުން ހުޅުވައިގެން ހިދުމަތް ދޭނީ އެންމެ 11 ދުވަހުކަން ހާމަވެއްޖެއެވެ.
އޭޕްރީލް މަހުގެ ގިނަ ދުވަސްތަކެއް ބަންދު ވަނީ ރޯދަ މަހުގެ ފަހު 10 ދުވަސް ބަންދު ކުރުމާ ގުޅިގެންނެވެ.
އޭޕްރީލް މަހުގެ ފުރަތަމަ ނުވަ ދުވަހަކީ ރޯދަ މަހުގެ ފަހު 10 ގައި ހިމެނޭ ދުވަސްތަކެވެ.
އެއަށްފަހު ފިތުރު އީދުގެ މުނާސަބަތުގައި އިތުރު ތިން ދުވަސް ބަންދުވެ އެވެ.
މި ބަންދުތަކަށް ފަހު ސަރުކާރު ހުޅުވާނީ އޭޕްރީލް 14 ގައިކަން ފާހަގަކޮށްލެވެއެވެ.
އޭގެފަހުން ހަފުތާއެއް ވަންދެން ސަރުކާރު ހުޅުވައިގެން ހިދުމަތް ދިނުމަށް ފަހު މި މަހުގެ 21 އަދި 22 ބަންދު ވެއެވެ.
އެއީ މަޖިލިސް އިންތިހާބާ ގުޅިގެން ބަންދު ކުރާ ދެ ދުވަހެވެ. އިންތިހާބަށް ފަހު އަންނަ ރަސްމީ ހަ ދުވަހު ސަރުކާރު ހުޅުވާނެ އެވެ.
