ނިމިދިޔަ ސަރުކާރުން ހިންގި "ގެދޮރުވެރިޔާ" ސްކީމްގެ ދަށުން ފްލެޓް ލިބޭ މީހުންގެ ލިސްޓުގެ މައްސަލަ އެކަމަށް ހާއްސަ ކޮމިޓީން ބަލާ ނުނިމޭތާ އެތައް ދުވަސްވެއްޖެއެވެ.

ހައުސިންގ މިނިސްޓާރ އަލީ ހައިދަރު އޮންލައިން ނޫހަކަށް ދިން އިންޓަވިޔުއެއްގައި ވިދާޅުވީ ފްލެޓް ލިސްޓު އެކުލަވައިލުމާއި ބަލަންޖެހޭ ކަންކަން ބެލުމުގެ މަސައްކަތް ހައުސިން މިނިސްޓްރީން އެކަމަށް ކަނޑައަޅާފައިވާ މިނިވަން ފްލެޓު ކޮމިޓީން ކުރާކަމަށެވެ.

ނިމިދިޔަ ސަރުކާރުން ވަނީ އެއްވެސް އުސޫލެއްެނެތި ފްލެޓްތައް ބަހާލާފައެވެ. މިކަން އެންޓި ކޮރަޕްޝަން ކޮމިޝަން (އޭސީސީ) އިން ވެސް ވަނީ އިއުލާންކޮށްފައެވެ.

އޭސީސީ އިން މި އަހަރުގެ ފެބްރުއަރީމަހު ބޭއްވި ބައްދަލުވުމުގައި ބުނީ ފްލެޓުތަކުގެ ދާއިމީ ލިސްޓުގައި ޝަރުތު ފުރިހަމަވެ، އެއްވެސް މައްސަލައެއް ފާހަގަކުރެވިފައި ނުވާ ފޯމުތަކުގެ ނިސްބަތަކީ 20.7 ޕަސެންޓް ކަމަށެވެ.

އަދި ޝަރުތު ފުރިހަމަވީީ ނަމަވެސް މައްސަލަ ހުރި ފޯމުތަކުގެ ނިސްބަތަކީ 19.7 ޕަސެންޓް ކަމަށެވެ.