މި ސަރުކާރުން ދަނީ ގެދޮރުވެރިކަމާ ބެހޭ ކަންކަން ބޭނުން ގޮތަކަށް މޮޑޭ ފުއްގަނޑަކަށް ހަދަމުން ކަމަށް ޕީއެންއެފްގެ ރައީސް، ރައީސް އަބްދުﷲ ޔާމީން ވިދާޅުވެއްޖެއެވެ.
އާދިއްތަ ދުވަހުގެ ރޭ ފްރޮންޓު އޮފީހުގައި ބޭއްވި ޖަލްސާގައި ވާހަކަ ދައްވަަމުން ރައީސް ޔާމީން ވިދާޅުވީ، ސަރުކާރު ޖަވާބުދާރީ ކުރުވުމަކީ މުހިއްމުކަމެއް ކަަމަށެވެ.
މާލޭ ސަރަހައްދުގައި ދިރިއުޅޭ ހުރިހާ ރައްޔިތުންވެސް ޝާމިލުވާ ގޮތަށް އެންމެ ބޮޑަށް ބޭނުންވާ ކަމަކީ ބޯހިޔާވަހިކަމުގެ ފަސޭހަކަން ނުވަތަ ބޯހިޔާވަހިކަން ކަށަވަރުކޮށްދިނުން ކަމަށް ރައީސް ޔާމީން ވިދާޅުވިއެވެ. އެއީ ގާނޫނު އަސާސީއިން ވެސް ސަރުކާރުގެ މައްޗަށް ކެރިފޯރުންތެރިކަން ހުރި މިންވަރުން ލާޒިމްކުރާ ހައްގަކަށްވުމުން އެކަމަށް އިސްކަން ދޭން ޖެހޭކަން ފާހަގަކުރައްވާ ރައީސް ޔާމީން ވިދާޅުވީ އެމަނިކުފާނުގެ ސަރުކާރުގައި ވަރަށް ގިނަ ފްލެޓު ދޫކޮށް އަދި ބޯހިޔަވަހިކަން ެންމެ ބޮޑު އާބާދީއަކަށް ކަށަވަރުކޮށްދިނުމުގެ މަސައކްަތްވެސް އެ ދައުރުގައި ފެށިގެންވެސް ދިޔަ ކަމަށެވެ.
ކަންކަން އެ މަގުން ހިނގާފައިއޮތް ޝަރުތު ހަމަވެ ފްެލެޓު ލިބުނު މީހުންވެސް މިޙާރު ލިސްޓުން ބޭރުކޮށް ގަނޑުބަނޑު ކުރަމުންދާކަމަށް ތުހުމަތު ކުރައްވާ ރައީސް ޔާމީން ވިދާޅުވީ، އެހުރިހާ މައުލޫމާތެއް ރައްކާކޮށްފައި ހުރި އިމާރާތް އަނދާ އަޅިއަށް ވުމުން އެއިން ކަމެއް ސާބިތުކުރެވޭނެ ކަމެއް ނެތް ކަމަށާ އެކަމުގެ ނާޖާއިޒް ފައިދާ ނަގާ މިހާރުގެ ގެދިރުވެރިކަމާ ބެހޭ ވަޒީރާ އަދި ސަރުކާރުން ވެސް ދަނި ބޭނުންގޮތަކަށް އެ ފުށްގަނޑު މޮޑެމުން ކަމަށްވެސް ރައީސް ޔާމީން ވިދާޅުވިއެވެ.
ރައީސް ޔާމީން އިތުރަށް ވިދާޅުވީ، ހުޅުމާލޭގެ ބިން ހިއްކާފައިވަނީ ރައްޔިތުންނަށްޓަކައި ނަމަވެސް މި ސަރުކާރުންވެސް ވަނީ ކުރީ ސަރުކާރުންވެސް ކަންކުރި ގޮތަށް ގާތް މީހުންނަށް ފޮތި ފޮތި ޖަހާ ބަހާލާފައި ކަމަށެވެ.
