ރައީސް އޮފީހުން ބާއްވާ ނޫސްވެރިންގެ ބައްދަލުވުންތަކަށް ފޯނު ވެއްދުން މަނާ ކުރުމުން މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)އިން ކަންބޮޑުވުން ފާޅުކޮށްފިއެވެ.

މި މައްސަަލައިގައި އެމްޖޭއޭ އިން ނެރުނު ބަޔާނުގައި ބުނެފައިވަނީ ފޯނު ވެއްދުން މަނާކުރި މައްސަލާގައި އެ ޖަމިއްޔާއިން ރައީސް އޮފީހުގައި ކަންބޮޑުވުން ފާޅުކޮށްފައިވާނެ ކަމަށެވެ.

އަދި ފޯނަކީ ނޫސްވެރިންނަށް ޒަރޫރީ އެއްޗެއް ކަމާއި މީގެ ކުރިން ވެސް ރައީސް އޮފީހަށް ފޯނު ވެއްދޭކަން ފާހަގަކޮށްފައިވާނެ ކަމަށް ބަޔާނުގައި ވަނީ ބުނެފައެވެ.

ރައީސް އޮފީހުން ބުނަނީ އެ ފިޔަވަޅަކީ ސަލާމަތީ ޕްރޮޓޮކޯލްގެ ދަށުން އެޅުނު ފިޔަވަޅެއް ކަމަށާއި ކުރިއަށް އޮތް ތަނުގައި ނޫސްވެރިންނަށް ރައީސް އޮފީހަށް ފޯނު ވެއްދޭނެ ގޮތް ހެދުމަށް މަސައްކަތް ކުރާނެ ކަމަށެވެ.

ނޫސްވެރިންނަށް މިނިވަން ނޫސްވެރިކަމެެއް ކުރެވެން ނެތްކަން ފާހަގަކޮށް ގިނަ ފަރާތްތަކުން އަންނަނީ ސަރުކާރަށް ފާޑުކިޔުން އަމާޒުކުރަމުންނެވެ.