ސިވިލް މީހުން ގެނެސްފައިވަނީ ރާއްޖެއިން އެދިގެން އެއްބަސްވުމެއްގެ ތެރެއިން ކަމަށް ރާއްޖެއިން އެއްބަސްވެއްޖެއެވެ.

މިކަން ހާމަކޮށްފައިވަނީ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ފޮރިން މިނިސްޓަރު މޫސާ ޒަމީރެވެ.

ޒަމީރު ވިދާޅުވީ، ސިވިލް މީހުން ގެނެސްފައިވަނީ ރާއްޖެއިން އެދިގެން އެއްބަސްވުމެއްގެ ތެރެއިން ކަމަށާއި، ސިވިލް މީހުން ތިބޭނެ މުއްދަތެއް އޮތް އިރު މިކަމުގެ ބޭނުންތެރިކަމަށް ބަލާފައި މުއްދަތު އިތުރުކުރެވޭނެ ކަމަށެވެ.

ޒަމީރު ވިދާޅުވީ ފޮނުވާލި ކޮންމެ ސިފައިންގެ މީހަކަށް ސިވިލް މީހެއް ގެނެސްފައިވާ ކަމަށާއި، ކުރިންވެސް މިކަމަށް ގެނެސްފައިތިބީ ބޭނުންވާ އަދަދަށް މީހުން ކަމަށެވެ.

މިނިސްޓަރ ވިދާޅުވީ ސިވިލިއަނުންގެ ގޮތުގައި އައި މީހުން ތިބޭނީ އައްޑޫ ގަމާ ހދ. ހަނިމާދޫގައި އާ އަދި ލ. ކައްދޫގައި ކަމަށެވެ. އެގޮތުން ގަމުގައި 26 މީހުން، ހދ. ހަނިމާދޫގައި 25 މީހުން އަދި ލ. ކައްދޫގައި 25 މީހުން 25 މީހުން ތިބޭނެ ކަމަށް މިނިސްޓަރު ވިދާޅުވިއެވެ.

މިނިސްޓަރ ވިދާޅުވީ ސިވިލް މީހުން ތިބޭނެ މުއްދަތެއް ކަނޑައެޅިފައިވާ ކަމަށާއި، އެންމެ ފަހުން މި ސަރުކާރުން އިންޑިއާ ސަރުކާރާއެކީގައި ސޮއިކުރެވުނު ލެޓަރ އޮފް އެކްސްޗޭންޖުގައި އެ މުއްދަތުވާނެ ކަމަށެވެ.

މިނިސްޓަރ މޫސާ ޒަމީރު ވިދާޅުވީ ލެޓަރ އޮފް އެކްސްޗޭންޖަށް އިތުރަށް ބަދަލެއް ނުގެންނަހާ ހިނދަކު އޭގައި މުއްދަތެއް އޮންނާނެ ކަމަށެވެ.