ކުރީ ސަރުކާރުގައި ނަގަންފަށާފައިވާ ޕްލާސްޓިކް ކޮތަޅު ފީއިން ދައުލަތަށް އެއް އަހަރު ތެރޭގައި 16.6 މިލިއަން ރުފިޔާ ލިބިއްޖެއެވެ.
މޯލްޑިވްސް އިންލަންޑް ރެވެނިއު އޮތޯރިޓީ (މީރާ)ގެ ތަފާސްހިސާބުތައް ދައްކާ ގޮތުން ޕްލާސްޓިކް ކޮތަޅު ފީއިން މިދިޔަ އަހަރުގެ އޭޕްރިލް މަހުން ފެށިގެން ދައުލަތަށް 12.6 މިލިއަން ރުފިޔާ ވަނީ ލިބިފައެވެ.
އެގޮތުން މި އަހަރުގެ ފުރަތަމަ ހަތަރު މަސް ދުވަހުގެ ތެރޭގައި ޕްލާސްޓިކް ކޮތަޅު ފީއިން ހަތަރު މިލިއަން ރުފިޔާ ވަނީ ލިބިފައެވެ.
ކުރީ ސަރުކާރުން މިކަން ކުރަން ފަށާފައިވަނީ ކުނި މެނޭޖްކުރުމުގެ ނަމުގައެވެ.
އެކަމާ ގިނަބަޔަކު ވަނީ ކުރީ ސަރުކާރަށް ފާޑުވެސް ކިޔާފައެވެ.
