ނިރުބަވެރި ޔަހޫދީން ޣައްޒާގެ ކާބޯތަކެތީގެ ނިޒާމް ހަލާކުކޮށްލައި، ކާބޯތަކެއްޗަކީ ޣައްޒާއާއި ދެކޮޅަށް ބޭނުންކުރާ ހަތިޔާރަކަށް ހަދައިފި ކަމަށް އދ އިން ބުނެފިއެވެ.
އދ އިން މިހެން ބުނެފައިވާއިރު، އދ ގެ ތަޖުރިބާކާރުން އިންޒާރު ދޭ ގޮތުގައި އިސްރާއީލުން ބޮމުގެ ހަމަލާތައް ދީ، ވަށާލުމުގެ މަސައްކަތް ކުރަމުންދާ މި ދަނޑިވަޅުގައި، މުޅި ދުނިޔޭގައި ވެސް ބަނޑުހައިހޫނުކަން ކުރިމަތިވެފައިވާ މީހުންގެ 80 ޕަސެންޓަކީ މިހާރު ޣައްޒާގައި ދިރިއުޅޭ ފަލަސްތީނު މީހުންނެވެ.
އދ.ގެ އިންސާނީ ހައްގުތަކާ ބެހޭ މާހިރުން ވިދާޅުވާ ގޮތުގައި މިވަގުތު ޣައްޒާގެ ކޮންމެ މީހަކު ވެސް ބަނޑަށްޖެހި، އާބާދީގެ ހަތަރުބައިކުޅަ އެއްބައި މީހުން ބަނޑުހައިހޫނުކަމާއި، ކާބޯތަކެއްޗާއި ބޯފެން ހޯދުމުގައި ދަތިތަކާ ކުރިމަތިލާން ޖެހިފައިވާ ކަމަށެވެ.
ފަހުގެ ރިޕޯޓްތައް ބުނާ ގޮތުން އޮކްޓޯބަރު މަހުގެ 27 ވަނަ ދުވަހު އިސްރާއީލުގެ އަސްކަރިއްޔާގެ އެއްގަމު ހަމަލާތައް ފެށުނު ފަހުން ހަލާކުވެފައިވާ، ގާތްގަނޑަކަށް %22 ދަނޑުބިންތަކުގެ ތެރޭގައި ބަގީޗާތަކާއި ގްރީންހައުސްތައް ހިމެނެއެވެ.
އޮކްޓޯބަރު 7 ވަނަދުވަހުން ފެށިގެން އިސްރާއީލުން ޣައްޒާއަށް ދެމުންދާ ހަމަލާތަކުގައި މިހާތަނަށް 24،000 އަށްވުރެ ގިނަމީހުން ޝަހީދުވެފައިވާއިރު، އޭގެތެރޭގައި ގިނައީ ކުޑަކުދިންނާއި އަންހެނުންކަން ފާހަގަކޮްށްލެވެއެވެ.
